تعرفون أم عبدالله ؟؟؟

عنوان رهيب كأني اسأل عن جارتنا أم عبدالله ...

اقرؤ قصتي وبعدها اللي سبق وتعاملت مع ام عبدالله

لاتبخل علينا بذكر نتائج خلطتها عليها ..


(( هذا سلمكم الله .. قبل فترة قابلت وحده من صديقاتنا أيام الثانوي كنا نسميه بوي
المدرسة يعني ولد المدرسة لأنها كانت ناحته شعرها مثل الأولاد ..

قابلتها بفرح وانهبلت على شعرها اللي حاليا صاير بكثافته وطوله مثل شعر جويل
اللي بصراحه أحلى وبعد أحلى منها ......تغير 180 درجة قدام من نعومه وطول
وولا وبعد لمعته تهبل ..وكانت جالسة بجنبها أختها وشعرها لاقوة إلا بالله خرافي
كانت برضه معانا بالثانوي وكان شعرها كدددددش ويالله يالله تلمه >> صرت اطالع فيها
واقول الله يرحم الذي مضى ..والله يرحم أياام الشبكة والبكله اللي كبر وجهه

ماااااااااااااااااقدرت اتحمل :42: قلت يابنت روحي اسأليهم قبل الفرح يخلص

ورحت اطامر لهم مثل المصعورة ...وهرجه تجر هرجه

وقلت للأخت الكبيرة ..

صايره حرمه والله وصايرين نطول هالشعر ..طبعا مااعطيتها فرصة وقلت
لاتقولي اهتمام ولا وراثة ولا هو كذا طبيعة شعرك :22: لأننا شبعنا من نصب هالبنات
وبعدين أنا اعرفك قبل وبعد السمكرة ..

قالت ..وهي تضحك بقولك بس اوعديني أهل زوجي لايدرون ...قلت اوكي

قالت ...بعد الثانوي قررت اطول شعري وعملت المستحيل لكن بلا فائدة واقتنعت بالكاريه
بعد ماقال شعري هذا حدي ...وقلت كثافته

فنخطبت ... ويريد الله أني اطيح بحظ عريس يموت على الشعر الطويل وعشقه
المجنون زينب العسكري .. فدلتني صديقتي على هالخلطةفاستخدمتها قبل فرحي بسنة
وكل مامر شهر ازيد واشوف النتائج المرضية ..واستخدمتها أختي معايه وشوي شوي
بنات اعمامي وخوالي ولا هانو بنات جيراننا وكلهم صارو يدعولي يوم شافو نتائجة
على شعرهم ...مرت السنة وتزوجت وصارلي اكثر من سنة و6شهور مااستخدمتها
وشعري مثل ماهو ...
لكن أختها مستمرة عليها وصارت بعد مندوبة لصاحبة الخلطة ...

طبعا أنا بعد ماسمعت هذا كله انجنيت وحلفت اشتريها مع أني كنت فقرانه قلت وربي لو
ابيع ذهب أمي >> على مين بغت تذبحني :angry2:

اشتريت منها علبتين وحده ليه والثانية لصديقتي المسكينة اللي دايم زوجها يغني لها
كل ماصحيت من النوم ياشمس لا لا تغيبي ...

استخدمتها 9 مرات خلال 3 اسابيع واستغنيت عن السشوار والكريم ...أنا شعري ناعم
بس لازم من السشوار لأنه متأثر من الصبغات ..

بس طبعا عملت تجربة قبل على شعر بنت أختي الصغيرة اللي شعرها تقول شوك ..
فحست أمها بتغييير من ثاني استخدام من حيث النعومه ... فعلى طول بعدها بدأت بشعري


==================


يابنات المشكلة ومافيها أني ودي اعرف من صاحبة الخلطة .. هي تقولي وحده اسمها أم
عبدالله ..وتقولي ليش تسألي طالما الخلطة توصلك الين بيتك >> لقطت وجهي :(
وبطلت لقافه ...خفت البنت المندوبه تزعل وماتبيعلي ..


فقلت احط الموضوع هنا يمكن الاقي وحده تعاملت مع أم عبدالله هذه ...


على فكرة ...الخلطة بعلبه وسط ..وسائلة ولونها ذهبي ..وريحتها وشكلها
طبيعية % وهي حلفت لي البنت أنها كلها مواد طبيعيه ماتخوف ...
وتبيعها بـ250ريال ...

وربي يابنات أنا مرتاحه لها جدا جدا بعد مالقيت شعري تحسن من ملمس
ونعومه ولمعه >>>>>قولو ماشاءالله

وبعد لما اخرج من الحمام طايح على وجهي .. وايدي لما احطها بين شعري
على طول تتزحلط >>>حشا مراجيح...بس من جد لأنه مافيه تشابك .عاد تدرون
اللي شعرها مميش ومصبوغ كيف تضارب يدها شعرها الين ماتنفك منها ...



لقافتي تعورني وودي اعرف واكلم صاحبة الخلطة شخصيا أم عبدالله

فاللي تعرفها تفيديني باي شيء عنها ....

وسلامتكم