تعرفون غرف اطفال حلوة ومجربة

والله يا اختي انا مثلك ادور محل حلو في تفصيل الغرف
ذكرت لي قريبتي محلات في شارع النخيل في السويدي تقول هي مفصله لبنتها عندهم وسعرها مناسب مره بس أنا ما جربته ...

ياقلبي اعتقد الاهم من كل شي
تدورين عن محلات تفصل خشب وطني
لان الصيني والماليزي مايعيش
بعدين شوفي الموديل والسعر
لو انا من الرياض كان حاولت افيدك

انتظري التخفيضات وخذيلهم من المعارض الكبار اجود ووقت التخفيض يكون بنص السعر واقل احيان وبيكون قريب او بنفس السعر اللي بتفصلين فيه

السلام عليكم شوفي اختي انا ابقولك تجربتي

انا الله يسلمك مدحت وحده لي محل تناتل له فروع كثيره في الرياض المهم اني رحت له واعجبتني غرفه من سريرين لعيالي بس تغاليتها لانه قال ابفصلها بستة الاف طبعا عباره عن دالوب وسررين وكمدينه وجزامه وتسريحه وتركته وياليتني شريتها منه

رحت لاسواق بن دايل يمكن تعرفينها وفصلت غرفه بقيمة خمسة الاف لها عندي اقل من سنه الى تفكك الخشب الي ورا الدولاب والله حرام عليهم

اما اختي واخوي كلهم فصلو غرف لعيالهم من تناتل وماشاء الله حلوه وخشبها زين ويوم قلت لمرت اخوي شلي خلاكم تفصلون عندهم قالت لان اخواتي مفصلين عندهم من عشر سنين ولا خرب الخشب او تفكك

والله اني تمنيت اني زدت الف ريال وفصلت عندهم بس يالله الدنيا تجارب

واذا تبين اسم المحل قولي لي واسال اختي

انا حلمي طبيعي
وش نوع الخشب اللي طلبوه من تناتل؟
جزاك الله خير