يا حبيبتي السعادة عمر ما كانت هبة من الآخرين وكونك تظنين ان الاصدقاء او الزوج هو اللي يقدر يشغل وقت فراغك ويسعدك انتي غلطانه عليك انك تلقين السعادة في داخل نفسك لان ما في احد يدوم لاحد مهما طال الزمن وكوني اعتمد على الآخرين حتى يحققولي السعاده والرضا اسمحيلي هذا تفكير ساذج فنصيحتي لك عزيزتي اقعدي مع نفسك قعده تأمل ومحاسبة و لا تكوني مثل وحده قاعده بمحطة والكل يعدي وهي محلك سر .... يمكن اكون قاسية بس هذا يظل راي وتقبلي مروري ..

طنشششششششششششششششي يمكن تحسين بشي ناقصك في الداخل

والله الناس مو فاضييين صحيح ان صديقاتك يحبنك ويحبن الخير لك بس اتوقع مكتفيات باهلهم وناسهم

وانتي خلي اللي تهمييينه ويسال عنك دايما هو الاولويه في حياتك وغيرهم سواسيه انا كنت كذا والحين والله ولا اسال عن

هوى دارهم بنيت نفسي بنفسي .. قاومي وحاولي اذا بس مجرد فكرتي فيهم حاولي تشغلين نفسسسك بأي شي روحي

للمطبخ للحوش اشتغلي بالبيت اقري اقعدي على منتديات قصص بالبدايه بتتعبين وبالاخير راح تتعوديين وبكرا هم اللي يسالون

عنك

الله يوفقك

الله يعينك يا اختي لا تزعلي كلنا اخواتك وصديقاتك بالمنتدى

ماعندي الا اخت وحده اكبر مني بكم سنه
لكن اطباعنا عكس بعض
ما تحب اللمه و انطوائيه ما تحب تسولف معاي الا اذا فموضوع يهمها هي فقط و كانت رايقه
و ممكن فجاه تقلب علي و تسكتني

بالعكس ليش اتضايق من ردودكم انا فرحانه جدا بردودكم الي قلتوه %100 ماعرفت اشرح شخصيتي لكن حسيت انكم فهمتو شو حاولتو تقولون

و خصوصا الاخت الي قالت صديقاتي مكتفيات باهلهم و ناسهم صحححححححح انا هذا الي احسه ما يحتاجوني انا الي احتاجهم

و انا احساسي بالضبط مثل وحده فالمحطه و الناس يمرو عليها و يمكلو حياتهم و انا جالسه اتفرج و اناديهم بس ولا وحده ترد علي :( يكملو حياتهم و يبتعدو اكثر و انا جالسه فالمحطه اصارخ اناديهم

حتى افكر لو تزوجت مين بيجي ؟؟؟؟؟؟ من صديقاتي اقصد
اذا جو بيجون 2-3 عالاكثر الباقي بيعتذرون اخر لحظه لاسباب سخيفه او حتى ما يعتذرون

والله لما اروح الاعراس ادقق على صديقات العروس مثل ما ادقق فالعروس

احب لما اشوف صديقات العروس ملتمين حواليها و اثناء الزفه يعدلون الطرحه و ذيل الفستان و يوقفون ورا المصوره يذمرونها تبتسم و يضحكون لها و يوصلونها للمنصه و يصورون معاها اول ناس و يتهامسون معاها

اتمنى هالشي يصير للي بس ولا وحده من صديقاتي ممكن تسويلي ربع هالشي :( اتمنى لو يصير أأجر وحده يوم العرس تمثل انها صديقتي قدام المعازيم و تعملي هالحركات حتى يقولو شكلها محبوبه


بس اول يجي المعرس ههههههههههههههههههههههه بعدين ادول صديقه للايجار