ابشركم اليوم نفصت ومدري شلون طب علي النشاط فجئه
شكله غلطان في النمره
وقمت انظف غرفة الغسيل وارتبها
واتفاجأبالكم الهائل من علاقات الحديد الي تجي من المغاسل حقت الثياب
خلاص فهمو يسد شرح
:)
الموهيم قلت يابنت وراتس ماتدهرين مثل مايدهرون بنات
عالم حواء الي تسوي من علبة الاريل
كرتون مجلات والي تسوي ديكور
والي والي
ومير اني ابدا افر فر في النت ولا اخفيكم سرا >>متعوب عليها
اني لقيت افكار ميب شينه قلت اسدحها لكم الي ودها تستفيد منها
والي ما ودها موب غصب
اول فوكيره انتس تسوين منها علاقه لعقل رجلتس في باب الدولاب
مثل الصوره
علشان اسرع له يلقاه لو بغى يكفخ احد من العيال :26:
ثاني فكره
ممكن تسوين مثل التصميم الي في الصوره وتخلينه حامل للطرح
ايضا اسرعلتس لو بغيتي تزنطين بها حدا العيال او ابوهم لا قدر الله
>>تفكيرها اجرامي
الفكره الثالثه
ممكن تسوين منها نبيطات لتسلية الاولاد وعلشان يفلقون عيال الجيران
في حال اعتدو عليهم
وفي حال كانو عيال الجيران مسافرين ممكن يستخدمونها اذا تهاوشو يعني ماراح يكون تعبك خساره
الفكرها الي بعدها
ممكن تسوين منه حامل لرول المناديل
وبكل سهوله
امممم الفكره الي بعدها
ممكن تستعملين العلاقه بعد ماتفكينها في تسليك
البالوعات وانتم بكرامه:)
او تسلكين فيه عصا مكنسة الكهرب اذا انسدت
يتبع
فكره ناموسيه تجنن القاعده حقتها من المعاليق مسويتها صاحبة الموضوع
وهذي فكررره للعجازااات
اتمنى اكون ما ثقلت عليكم وانكم
تستفيدون من بعض الافكار
الله يسهل امورنا واموركم