السلام عليكم ورحمة الله وبركاته
بسم الله الرحمن الرحيم صديقاتي واخواتي بنات حواء جايه افضفض لكم وبنفس الوقت أبشركم وأعطيكم امل خاصة للي يدعون مع انه الدعاء اجابه وبشاره بحد ذاته
لكن بزيد أملكم وافرحكم يمكن اكسب دعوه من قلب وحده بعثت بروحها الامل بعد مايأست من الشيطان
قصتي طويله ماراح اقولها بالتفصيل لكن بعطيكم الزبده
ان لي 3 سنين يمكن ادعي ولكن بشكل متقطع وبدون الحاح ولا اخلاص بالدعاء + ذنوبي كثيره ولااستغفر يعني دعاء من قلب غافل ..
في رمضان هذا الحّيت الدعاء بكل صلاة تراويح اصليها وقيام ليل ولله الحمد ربي استجاب لي دعوتي
لكن باقي منها يعني مو كلها ( استجيبت ) تكملتها ان شاء الله قريبه لحكمه يعلمها ربي وباقي الفرج من عند ربي قريب
والله يابنات ان الدنيا صكت فيني وماعاد اعرف وين أروح ولمن الجأ ولمن اشكي همي
قلبي يتقطع قريب وانجن جربت كل شي مانفع لجأت بالاخير للدعاء وكأنه ربي الهمني الدعاء
ااااااااه ياراحة الدعاء ... يارب اجبني واعطني ماطلبتك وجميع اخواتي في منتدى حواء
وابتعدت عن كل الذنوب اللي كنت أسويها من اغاني وعقوق وكل ذنب وقد ماقدر اتصدق واتغير للاحسن وكل شيء احتسبه لله
صرت دايما أتفرج على مقاطع باليوتيوب محاضرات دينيه لكثير من المشايخ وخاصة محاضرات الدعاء
يالله قد ايش اعطوني دفعات وكأنه ربي يسوقني لهالمحاضرات سوق تلقائي وكل محاضره اسمعها اطلع بكمية أمل وتفاؤل ربي كريييييييم
الخلاصه انه الاسبوع اللي فات قعدت أسمع محاضره لعمرو خالد بعنوان ( الجبار )
تأثرت تأثرت فيها بشكل الله اعلم فيه لازم لازم تسمعونها لازم كل وحده تدعي ربها بشيء تتمناه تسمعها والله انها مرييييحه وبتعرفين السر بعد ماتسمعينها
سمعت المحاضره ولما خلصت كان وقت الثلث الاخير رحت لسجادتي وصليت مثل كل يوم لكن هالمره بعد ماسمعت محاضرة عن ( الجبااااااااار ) وعرفت ادق معاني هالاسم لربي الكريم
قعدتي ادعي وادعي وادعي ياجبار اجبر بخاطري ياجبار اجبر بخاطري ياجبار اجبر بخاطري .. في المحاضره يقسم ويحلف بان ربي الا مايجبر خاطرك وذكر قصص .. وياليت أقدر اوصل لعمرو خالد اللي صار لي
المهم قعدت ادعي الين ماتتعب ايديني من السجود
بعدها قمت ودخلت النت بنتظر صلاة الفجر الا وادخل منتدى حواء بالصدفه لي فتره مادخلته قلت بمضي وقتي لين مايأذن
يوم دخلت المنتدى ألقى رساله خاصة جايتني فتحتها
وحده كاتبه لي انه فيه بنت ودها تتواصل معي ضروري وتبي تكلمني
انا استغربت والله مالي علاقه ولا باحد في المنتدى وعلاقتي سطحيه جدا جدا ولاني متعمقه بالمنتدى ولاادري عنه الا فترات تجيني ادخله
المهم استغربت من الرساله والبنت حاطه لي رقمها وايميلها تقول ضروري كلميها تبي تعطيك دعاااااااء
اقسم بالله اول ماجا على بالي يوم اني دعيت ربي ( ياجبار اجبر بخاطري ) قلت أكيد ربي ارسلها لي
وعلى طول اضفتها على الايميل وبعد السلام والمعرفه ... اعطتني دعااء
والله يابنات كنت اشوف هالدعاء بالنت وكنت اقول يالله مره طويل من بيحفظه او بيقعد يقوله !!
لما شفته ابتسمت ابتسامه الله وحده اعلم وش حسيت وقتها
هذا ربي أرسل لي بنت حلال طيبه فجأه وبدون لاادري ولااعرفها من بعد مادعيته ياجباااااار اجبر بخاطري
وجبر بخاطري بهالبنت انها تعطيني هالدعاء
وكأن الله يقولي احفظي هالدعاء وادعيني فيه احفظي هالدعاااء وادعيني فيه
الدعاء شااامل لكل شيء وفيه حاجتي اللي اطلبها من ربي يارب ياكريم
مثل مانتم عارفين اذا الله الهمك الدعاء فانه يعني بيستجيب لك
وهو الهمني الدعاء وارسلي هالبنت تعطيني هالدعاء اللي ياما وياما شفته واستثقلت حفظه وقوله
تصدقون اني حفظته ؟ وربي يسر لي حفظه مع انه طوييييييل
حفظته وصرت اقوله بالصلاه وبالاخص صلاة قيام الليل ؟
صارلي اسبوع وكل ماتذكرت هالموقف احس اني بحلم والله كاني بحلم
ربي جبر بخاطري وكأنه يقول ادعيني بهالدعاء ويصبرني فيه
ياربي ياحبيبي انا صابره وبصبر وبصبر الى ان تعطيني مسئلتي ياكريم
يابنات انا جيت أعطيكم الامل واقولكم لاتيأسون والله ان اليأس من الشيطان
مانكر انه يحاول يخليني أيأس واترك الدعاء لكن ثقتي بربي اكبر واكبر
واعرفي كل ماحسيتي باليأس ان الفرج قريب والاستجابه قربت فانتي زيدي وزيدي أكثر
والله اني كل ماذكرت البنت اللي اعطتني الدعاء ادعيلها معي انها فرجت علي كربه ربي يفرج عليها كربه ويعطيها ماتتمنى ويرضيها فيه يارب
هذا المقطع حق محاضرة عمرو خالد ( الجبار )
×××××× تمنع المقاطع التي تحوي موسيقى .. الاشراف
وهذا الدعاء
واذا قدرتوا ادعولي ربي يجعل الخير في اللي أبيه ويقضي لي حاجتي
والحمدلله رب العالمين
واللهم صل وسلم على سيدنا محمد
مخدهـ @mkhdh
عضوة جديدة
تعرفون معنى (الجبار)؟ربي جبر بخاطري..تعالوا أقولكم قصتي ياللي تدعون وجاكم اليأس/قديم
103
91K
هذا الموضوع مغلق.
جزاك الله خير على ذكر تجربتك ياجبببببببببببار اجبر بخاطري وبخاطر كل مسلم ياجباااار اجبر بخاطر اختي مخده واسبغ عليها نعمكجزاك الله خير على ذكر تجربتك ياجبببببببببببار اجبر بخاطري وبخاطر كل مسلم ياجباااار اجبر بخاطر...
جزاك الله خير
الله يجزاك خير اختي
هذا الدعاء كثثثير اشوفه واكتبه عندي لكن سبحان الله استثقل اقوله لانه طويل
الله يوفقك ويعطيك ماتتمنين من خيري الدنيا والاخره اللهم امين
هذا الدعاء كثثثير اشوفه واكتبه عندي لكن سبحان الله استثقل اقوله لانه طويل
الله يوفقك ويعطيك ماتتمنين من خيري الدنيا والاخره اللهم امين
هذا الدعاء أكرره كثير وحافظته عندي ف الملاحظات لكن ماقد حفظته ..،
الله يسعدك ويحقق مرادك ..،
الله يسعدك ويحقق مرادك ..،
الصفحة الأخيرة
ياجبببببببببببار اجبر بخاطري وبخاطر كل مسلم
ياجباااار اجبر بخاطر اختي مخده واسبغ عليها نعمك