تعرفون ناس مستحيل يطلقوا او يصير هواش بينهم او يخونوا بعض او ..؟؟؟؟

انا اعرف كذا حالة هكذا


اول حالة


واحد غني متزوج بنت خاله وبنت عمته في نفس الوقت وعايشين في نفس المنطقة
ماخذ له فيلا فخمة جدا
وعندهم عيال وصار لهم سنيييين متزوجين
هو شخصيته قوية والكل يخاف منه بس مع زوجته شخصيته ضعيفة
تدرون شنو السبب


الموضوع مو بس حب
هو اكيد يحبها ويموت عليها وعلى عياله


بس في شي يخلي زوجته مرتاحة
ان مستحيل يطلقها او يفكر يزعلها
لان اهلها لهم وزن في المنطقة
اخوانها ابوها امها كل عائلتها
يعني هو الخسران اذا زعلت
وعياله شخصياتهم قوية ويحبهم


يعني الزوجة عايشة في راحة نفسية وهذا هو المهم


الحالة الثانية


واحد تزوج وحدة عن حب سنين
ونفس منطقتهم


اهلها معروفين في المنطقة
ابوها صديق ابو زوجها


وابو زوجها هدد ولده انه لا يزعل زوجته ابدا ابدا


حياتهم مثالية
هي مرتاحة وفارضة نفسها بشخصيتها
على الرغم ان زوجها شخصيته قوية بس فيه اسباب يخلي يتغاظى


المهم ان في النهاية تنام مرتاحة وهي واثقة ان مستحيل يزعلها
تعرفو يعني شلون مستحيل




تدرون ليش كتبت هالكلام وانا عندي امثلة كثيرة عن حالات الزوجة تكون مرتاحة نفسيا


نصيحة اسسوا لبناتكم حياة صح
الرجال اذا حس ان زوجته وراها ظهر وعزوة مستحيل يدوس لها على طرف
راح يحبها ويحترمها


واذا العكس خاصة اذا ماكو حب
راح يتمادى


اللي بتقول شنو الفايدة يكون مجبور يعاملني زين


بقولك خله يكون مجبور في النهاية الزوجة هي المستفيدة
تدري ان مستحيل يطلقها
مستحيل يطردها
مستحيل يشوه جسمها


انا عشت تجربة مريرة وما زلت اعيش اثارها النفسية
تعرضت في حياتي لابشع انواع العذاب الجسدي والنفسي
عائلتي مفككة ومحد يخاف منهم
انا اكتب لكم وانا تعبانة نفسيا وجسديا


مو عارفة اوصل لكم اللي ابغي اقوله وانصحه
اذكروا تجاربكم وتجارب من حولكم
وادعوا لي بالفرج من همومي ): لا تنسوني ارجوكم