:06::hahaha:
السلام عليكم ورحمة الله وبركاته
حبيباتي عضوات عالم حواء اكتبلكم سالفتي هادي
وانا بقمة الهلوسه ضحك على دموع على مغص
الحمدلله اني لحقت ساعة الاستجابه ودعيت
قبل اتفاجأ بهدية اختي الي يوم شفتها حسيت كومة
غبار طاحت على راسي
كنت في امان الله جالسه الا اختي تجيني ونسولف
وبعد شويا قالت عندي مقطع مخزنتو في الفلاش دا
خلينا نتفرجو مقطع ديني نستفيد منو اليوم جمعه
والقلوب خاشعه قولت ياسلام يلا بارك الله فيك
اختي دي اصغر مني بكتير عمرها حوالي 18 سنه
ففرحت انها مخزنه مقطع ديني ومتعنيا وجايه تفرجيني معاها
جبت اطفالي وجلسنا وسمينا بالرحمن وانفتح المقطع
واتفاجأت مفاجأة عمري يابنات حسيت مشاعري اختلطت
عرقت وبردت وبكيت وضحكت كلو بوقت واحد
اتاريها المفعوصه لما كنت حامل قبل حوالي 5 سنوات ونص
مصورتني اكتر من مقطع وجمعتهم مع بعض
مقطع وانا امشي عشان تسهل الولاده
ومقطع وانا عندي مغص وابكي ومقطع وانا طفشانه احاول
اقوم ماقدرت لان بطني كانت كبيره في الشهر التاسع
ومقطع وانا اشتكي من الحمل والولاده كنت خايفه مع انو مش الوحيد
وبعدها مقاطع لما نزلت موية الجنين ولما انطلقنا في السياره
كلها مصورتها لاني التاسع كلو جلست ببيت اهلي كنت تعبانه
ومقطع لما خرجت من غرفة الولاده وكل المشاهد الي
صارت في المستشفى حتى اول لقاء بيني انا وولدي كنت ماابغاه
اقول شيلوه وكلام غبي حق الولاده هههههههههههههه
المهم يابنات انصدمت من شكلي وصوري
وماتوقعت اني كونت اسوي كده ولو مو شبهي ماصدقت انو انا دي
احلى حاجه شعري كان طوووووويل مغطي ظهري 9 شهور
ماقربتو مافضيت للقصقصه كان مره حلو ودحين مره قصير
ومنتف وحالتو حاله سبحان الله فرق بين شكلي اول
وشكلي دحين
بصراحه احلى مفاجأه للذكريات طعم خاص بس تصدقو
روحت قولتها كلمة البنات الي هنا ترى مااحللك اذا مامسحتيها
هههههههههههههههههه استغربت من الكلمه وقالت
اي تحليل وشرحتلها الهرجه وخافت بس ماوعدتني الله يستر
لاتطيح صوري بيد واحد في حالو ويهج بتكون صدمة حياتو
خاصة وانا اجري وبطني كبيره على بالي اذا مشيت بسرعه
حولد اسرع الله على الذكريات سبحان الله
تعرفو ايش الي ضحكني اكتر ولدي نفسو
مو مستوعب والصغير الي لسى ماعمرو شاف بطن حامل
جالس ياكل اصابعو وبلل ملابسو ريقو كلو على ملابسو
مدري مخترعين او ايش صرلهم بالضبط :hahaha:
اتمنو تشاركوني انطباعاتكم عن الذكريات خاصة لما تكون مصوره
ايش تحسو وقتها
のrosyの @rosy_4
محررة
يلزم عليك تسجيل الدخول أولًا لكتابة تعليق.
ياليت الذكريات الحلوه تتسجل عشان وقت مانبي نشوفها بس نجلس ونتفرج ونعلم اللي حولينا شو كثر كانت ايامنا حلوه
تحياتي وموضوعك جدا راقي
تحياتي وموضوعك جدا راقي
ضي1111
•
انا سمعت صوتي وانا اصور عيالي بالكاميرا حقتي انخرعت منه كأني غاصة بعظمه
وشلون شكلي اكيد فلم رعب ههههههههههههه
وشلون شكلي اكيد فلم رعب ههههههههههههه
الصفحة الأخيرة
ما ادري ليش اذا شفتها تدمع عيني