تعرفين الكثير عن الماكياج ؟؟ .. أجل ادخلي ..!

وينكم ؟؟
لهالدرجة طلبي صعب :(

اقراى مواضيعى فى التوقيع و راح تستفيدين

لا تتضايقي عيوني تسجيلك ومتابعتك لهذا المنتدى رح يخليكي بروفيشنال
:27:

هلا اختي ...........................
بالنسبه للمكياج راح تتعلمينه بالتمرس وانصحك تشترين هالمنتجات لضمان افضل النتائج ..........
طبعا لمكياج ماراح يضبط فيك الا لما تعالجين بشترك من المشاكل وتعتنين فيها وتنظفينها زين ...................
المكياج يعتمد كمان على الفراشي الجيده اللي تضمنلك مكياج مثالي ............
افضل الماركات اللي انصحك فيها :
جيرلان
ماك
كارولاين
ميك اب فور ايفر
سماش بوكس
وكل الماركات اللي تحمل اسامي شهيره ايضا ممتازه بس اللي ذكرتها هي الافضل على الاطلاق والانسب لبشرتنا العربيه وانا ذكرتها ابتداء بالاجود بالنسبالي والانسب ...........
ومن الضروريات اللي لازم تقتنينيها :
قاعدة المكياج اللي هو البيس ويوضع قبل الاساس يمنحك بشره متألقه وتقدرين من خلاله تخفين مشاكل بشرتك كالشحوب واحمرار البشره ... وايضا يمنحك الترطيب اللازم .
كريم الاساس ولازم يكون مناسب لبشرتك إذا كانت دهنيه او جافه وإذا بشرتك خاليه من العيوب او عيوبها لاتذكر انصحك بالاساس السائل اما اذا مشاكلك كبيره انصحك بالستيك .
االبودره وتاتي انواع منها السائب ومنها المضغوط اختاري اللي يناسب بشرتك
الكونسيلر ( الانتي سير ) وهو خافي العيوب يستخدم لاخفاء الهالات السوداء والحبوب ومشاكل البشره وياتي الوان وانواع اختاري مايناسب بشرتك وراح يدلك البائع ...
قاصعة الرموش هذي مثل المكواه تلف الرموش وتعطيها طول .......ضروريه
الماسكرا ومنها الشفاف والملون وانا عن نفسي ماقدر استغنى عن الاسود .ومنها انواع فيه ضد الماء ومنها اللي يطول الرموش ومنها اللي يكثف وفيه منه يشمل الثلاث وايضا فيه منها خاص بالرموش السفليه .
قلم الحواجب ومنه انواع عصار او قلم .............
الجليتر في المناسبات الخاصه وهو مثل الذرات اللمعيه ينثر على الوجه او على الظلال فقط
لمعة عظمة الحاجب او الظلال الفاتحه والغامقه وافضل الماركات ( ماك وفور ايفر )
اقلام الكحل طبعا يطول الشرح في انواعه واشكاله ............
البلاشر ( احمر الخدود) ومنه البودره والسائل ....واغلب الناس مايهتمون فيه مع انه ضروري جدا
الارواج والجلوسات ( اللمعه ) فيه ارواج تكبر الشفاه وفيه ضد الماء وفيه مخلوط بجلوس والبعض مخلوط بجليتر اختاري اللي يناسبك ............
مثبت المكياج
مزيل المكياج
يعني صعب اني اضغطلك كل شي بس اتوقع اني اعطيتك الزبده وانت انشاء الله مع طلعتك للسوق والتجربه راح تتعلمين تلقائي .

مرحبا سعوديه..
..انا انصحك تبدين بالتدريج..خاصه لو ماكان عندك فكره ابد..لاتحولين انك تعرفين كل شي مررره وحده..
في البدايه..عالجي بشرتك لو كان فيها مشاكل..دوري اقلام تكحيل مناسبه,,لو تحبين الاقلام شوفي كريستييان ديور ممتاز و مااااك الي بالفرشه روووووووعه..فيه بعد الايلاينر..بس انا ماستخدمه يمكن البنات يساعدونك فيه..
..
شوفي البلاشر..اان استخدم نينا ريتشي المتدرجه فاتحه مررره لان خدودي حمرا..و بعد بورجوا 54 مررره لونها خيالي و طبيعي..
..
الاساس مع اني ما استخدمه الا ناااااادر..لو تحبين شي يومي ..شوفي كولور ادابت من ماكس فاكتور..ممتاااااااااااااااز
..
الارواج والجلوسات..احس عندك خيارات متعدده..و الماركات ماليه السوق..
الماسكرا..انا استعمل الشفافه ممدري وش ما ركتها من مكياجي..و هيلينا مسكراتها مرررره حلو..عندي وحده سودا منها..
..
و انتي شوي شوي..و بالتدريج ..راح تعرفين كل شي..
اتمنى اني افتدك..
و انا حاضره لاي خدمه