تعرفين مصيرك وين بيكون؟؟؟؟؟؟

السلام عليكم ورحمه الله وبركاته

من هنا دعوه لتامل والتفكر في حالنا ومصيرنا ...

هل تفكرتي في حالك ومصيرك بعد دنيا الزوال..

اسئله تمر علينا مرور الكرام والله لو كنا نحسب لها حساب واحد بس لتصير حياتك كلها تفكير في تفكير

بس التفكير وحده مو مهم اهم شئ العمل ... عملتي لاخرتك تحسين انك سويتي شئ في دنيا الزوال

خلونا نعيش لحظات بس ونتفكر في حالنا....

تخيلي انك في المحشر وتشوفين وجيه واشكال والوان خلاص هينا تجمعنا عند ربي ما فيه مفر

مافيه عمل مافيه غير حساب ... يا الله حساب الكلمه وحدها تخوف كيف عن المضمون

ينادون على الناس امامك وانتي في حاالته ذهول وخوف شديد...

لو ناداني وش بقول انا ما عملت ما قدمت واذا عملت اشوف اني ما سويت شئ ...ياربي خوف وهلع

حتى الاتقياء والصالحين خايفين من ربي ويخشونه ...

تخيلي الصراط تخيليه معي.. تخيلتيه قد شعرت راسك خفيف وحاد ..

تقدرين تمشين عليه وانتي مو مدعومه كيف تقدرين تمشين عليه والنار تحته ترمي بكلاليبها

طيب لو طحت ..طحت في النار ..يا الله خلاص صرت فيها ما فيه مفر ..

تتوقعين بتلقين فيها رحمه بتلقين احد فيها يرحمك ...كيف والناس فيها نفسي نفسي ...

كيف وجنودهامرسوم على وجيههم القسوه تطالعين فيهم يسحبونك بلا رحمه ...كيف يرحمون وهم

مخلوقين كذا طاعه لخالقهم... وش مصيري بيكون اشد عذاب والا اهون عذاب...

يتسرب في قلبك شوي امل اهون عذاب.... تدرين وش هو جمره تحط تحت قدمك تغلي منها دماغك..

تشوفينه هين..لا وربي مو هين ... الله يكفينا شر جهنم يارب...

تفكري في الموقف ما تشوفين حولك الا عذاب في عذاب... سواد حالك جمر نيران ملتهبه في كل مكان

وديان تسيل منها النار...لحوم تحترق...جلود تسيح ...ورائحه الشواء ... صديد ... وزقوم

صرخات في كل مكان... تنتظرين فرج ربي تنتظرين رحمته...

وعزاك الوحيد ان امه محمدلا يخلدون في النار من يشهد ان لا الله الا الله ما يخلد في النار...

بس متى اطلع متى اطلع يارب ارحمني.. تتوقعينها بتمر عليك بسيطه لا وربي...

اليوم اسبوع والاسبوع شهر والشهر سنه والسنه..... بتمر عليك سنين وانتي على حالك..

لاااااااا ياربي ارحمني ...

من هينا ادعوكم اخواتي لنتفكر في حالنا ..

هل حاولتي تغيرين من حالك؟؟؟

تحسين انك سويتي شئ لربك؟؟؟

لمتى وانتي في غفله؟؟؟

اصحي الساعه قريبه... اخواتي خلونا نتكلم شوي عن حالنا ...

عندك اشرطه اغاني ؟؟؟ كسريها وتعالي خبرينا خلينا نفرح معك

تلبسين عبايه الكتف تغطين؟؟؟ احرقيها وبدلي حجابك بالي يحميك من حراره جهنم

تسوين معاصي؟؟؟ مو مشكله الله يفرح بتوبه عبده بس خليها بنيه صادقه

تغتابين تحشين تكذبين؟؟؟ وربي ما يكبنا في النار الا حصاد الا سن....

يا الله تعالي وخلينا نتناقش شلون نتغير .. واذا ما تقدرين قولي لنا ونساعدك