الله لا يحرمك من اولادك

الله يفرجها عليك يا رب و يفتحها في وجهك

اختي انت داومي علئ الاذكار و قراءة القران و الدعاء خاصة صلاة الليل و لما يجونك اولادك الله يحفظهم احضنيهم شميهم حسسيهم بحاجتك لهم و انك ما نسيتيهم ابد

خذي يدينهم الصغيرة و حطيها علئ قلبك و قولي لهم انتم هنا مكانكم بالقلب

خلي كلمات معينة كاسرار بينكم يعني مثلا ابنك سميه باسم دلع و قولي له هذا الاسم لك انا بس اللي اناديك فيه

و نفس الشي بالنسبة لاخوه

و كمان العبي معاهم العاب و خصصي لهم العاب معينة تربطهم بك

ارسمي معاهم
و الله يا اختي انا العبدة الفقيرة و تقطع قلبي عليك و لو بيدي كان جبتهم لك
فما بالك بالله ما بالك بربك الكريم
تاكدي تاكدي تاكدي اخيتي انه ارحم بك من نفسك و ما راح يخذلك ابد

كمان لا تخلي نفسك ضايعة اخية يعني اذا طليقك عليه النفقة فحاولي مع اهلك تجيبينهم عندك و قولي لهم اصرف عليهم من النفقة

اختي ما اعرف ظروفك يعني مسموح لك الكلام بحرية اولا

اذا مسموح طلعي اللي بقلبك لامك لابوك لاخوانك علهم يحسون فيك

و مهما يكن استجابوا اولا
لا تنسي ان لك باب دائما مفتوح و مرحب بك

باب ربك الكريم

افرشي سجادتك و افرشي معاها قلبك للكريم و ابكي و ادعي و اشكي لين تقولين بس

و تاكدي انه ما راح ينساك و شكواك صارت عنده

ماراح يضيعها او ينساها او يماطل فيها لا

بالعكس ان شاء الله تعالئ تكون الاستجابة سريعةجدا

اخيتي الله يوفقك و يسعك و يرد لك اولادك ردا جميلا و لا يوريك فيهم شيء سيء ابد

الله يحرسهم بعينه التي لا تنام

انت دائما استودعيهم الرحمن و ثقي بالله وحده فهو نعم الوكيل

و شيء اخير

و اسفة اني اذكره اذا فيه امكانية ترجعي لطليقك اختي فلا تقصرين بس عشان هالعوينتين الله يحفظهم لك

يارب يلم شملك أنتي وأطفالك وما يفرق بينكم والله يجعلك
أغلى أنسانه في قلوبهم ويكبر حبهم لك كل ماكبروا
قولي آمييييييييييييين

وربي حااااسه فيك

الله يردهم لك ويتربون في حضنك ان شاء الله

ربي لايحرمني منكم ولايوريكم مكروه اتمنى ان يساعدني متصفح حواء في الرد عليكم واحده واحده

حبيبتي الله يصبرك ويكون بعونك

أنا ماما تطلقت وعندها بنت وولد وابوهم اخذهم مارضي يخليهم عندها واحنا بنفس المدينة مانشوفهم الا بالشهر مره واوقات بالشهور ووقت هالزيارات ماما بس تحبهم ونلعب مع بعض حتى كورة سلة تلعب معانا واحنا كنا دايم ننتضرهم وبابا كان طيب معاهم
اخوي اول ماصار بالثنوي واعطاه ابوه سياره صار دايم يعدي علينا واختي اول ماتزوجت صارت دايم عندنا رغم انها ساكنه بمدينه ثانيه بعد زواجها وأخوي كمان لمن تزوج سكن قريب من ماما وما يقصر معاها حتى مع بابا مره يحبونه هو واختي لانه يعاملهم مثلنا ولا فرق بينا وبين اخواني كلنا عياله
وعلى فكرة الحين اخواني كبار وبنت اختي الكبيرة بالجامعة ومازالوا رضيين في ماما وبابا