ياعيني على شيف ريريتا

تسلم إيدك ياعسسسسسل على هالإبتكارات التشيليزية الخطيرة :cook:

وكل عام وأنتم بخير جميعاً :26:

وعساكم من العايدين السعيدين :27:

يااااااااحبي لك ياريريتا يسلموووووو ايدينك ياعسل ممكن اعرف منك مكان تشيليز في جده لاني اعرف الي بالشرقيه بس بجده ماقد شفته

تكفين ياعسل تردين لي وين مكانه بجده باسرع وقت؟؟؟؟

هلا يادودتنا الحلوة
حبيبتي تشيليز في جده محله في تقاطع طريق الملك فهد مع شارع فلسطين..
تعرفي الشارع إللي فيه مستشفى فقيه؟؟هذا هوه.. إمشي فيه وخلي فقيه وراكي..
على إمتداد هذا الشارع كأنك رايحة على الكورنيش.. راح تجيكي إشارة وبجانبها السفارة الأمريكية على اليمين والبنك الأهلي على اليسار راح تشوفي تشيليز أمامك في الزاوية اليسرى..
وكل عام وإنتي بخير..
وأتمنى يكون وصفي واضح..

كل عام وأنتم بألف خير وصحة وعافية يارب..


DeSiGnEr_StYliSh
هلا حبيبتي الحمد لله إنه عجبك وعجب الأهل كلهم ..وإنتي الروعه والله..

احلىانوار
تسلمي ياعمري..وهذا من ذوقك.. وتصدقي شفت مواضيعك كلها مو بس أطباقك..
الصراحة كلها رهيبة وهذا شي مو غريب عليكي ياقمر أنا من زمان معاكي على الخط وأتابع المتميزات في عالم الطبخ..مشكورة ياعمري على كلامك..


$ البرنسيسة $
هلااااااي احلوة حركااااااات والله وأخيرا سجلتي في المنتدى..
بس تراه منتدى رهيب حيعجبك مره وعلى ضمانتي..
عيوني مشكورة على كلامك.. وآمين يسمع منك ربي.. متى يكبر فراس وجوانا ويتضاربو..آآآه قصدي يلعبوا سوى..
على فكرة يابنات ترى البرنسيسة أختي وصديقتي وغاليتي وماتتخيلوا محبتها قد إيش.. أتمنى ترحبوا فيها في منتدانا الرائع..

هنونه
هلا عيوني والعفو ياغاليه على إيش تشكريني أنا كلي فدى بنات حواء..
عيوني والله أول مره أسمع عنها هالشوربة ياليت تعطيني تفاصيل أكثر عنها عشان أحاول أجربها وأشوف لك طريقتها بإذن الله..

شبيهــة القمــر
العفو ياعيني.. وأنا ماأبغاكي تتخيلي أبغاكي تدخلي المطبخ وتجربي بنفسك.. والله ثم والله راح تطبخي ألذ منهم 100 مره
تحياتي لك ياعسل..

nour5700
تسلمي ياعمري وعلى كلامك العسل وإنشاء الله أحاول أتعلم الطريقة وأحطها لك ولايهمك..

بنت الذيب
من ناحية لازم فهو لازم ياقمر لاتفوتيييييهم

نبــــــــــض
تسلميلنا يامبدعه ومشكورة ياقمر على ردك..