تعرف انهم يبون يسحرونها ،،، تقولها اولا لا

السلام عليكم بنات

اعز صديقاتي تعاني من هالمشكله و وصتني اني انزلها بالمنتدى يمكن الاقي حل وسواه للمشكله
وانا اشهد اني كلمه اقولها هنا صحيحه وما هي شي من الخيال

الله يسلمكم صديقتي هذي متزوجه من كم سنه وعندها سلفه تزوجت بعدها هي علاقتها بسلفتها وايد زينه لانه البنت بنت حلال وطيبه ومش راعيه مشاكل المهم

صارت مشاكل بين السلفه و زوجها وطلعت من البيت وعندها بنت عمرها سنه ونص تقريبا سبب المشكله اهل الزوج طبعا وتداخلاتهم في حياتها ،، بتقولون ليش ما يدخلون بحياه صديقتي بعد صديقتي ساكنه لحالها وسلفتها ساكنه مع اهل الزوج

المهم المره صارلها في بيت اهلها ست شهور و بالصدفه من اسبوعين صديقتي اكتشفت انه اهل زوجها رايحين عند سحره عشان يسون عمل لسلفتها عشان ترجع طبعا (صديقتي) انفجعت لانه هي اصلا ما متخيله انه في ناس تتعامل بالسحر كونها جايه من عيله محافظه ومتدينه

الحين سؤالها تخبر سلفتها ولا لا ؟

تقول انا ودي المره ترجع لزوجها عشان بنتهم بس اذا خبرتها انا متاكده انه المره ابد ما راح ترجع وبتصر على الطلاق

انتو شو رايكم

انا بقولكم راي انا قلتلها لمحي لها انها تحصن نفسها وترقيها ما تدري شو يصير بالدنيا بس لا تقولين لها الكلام مباشر عشان ما تسوء العلاقه بينها وبن زوجها خاصه انه زوجها مش بهالسوء لكن مشكلته شوره عند اهله.

المهم

اطلب من اهل الحكمه منكم ان يقول شو تسوي تخبرها ولا تسكت؟
واذا سكتت تاخذ ذنبها اذا المره انسحرت وردت لزوجها بالسحر ( اعوذ بالله )

انتظركم
للعلم ممكن صديقتي مرات تدخل بمعرفي عشان ترد عليكم