تعشيش ! دوره ! ام حمل !!!

بنات مساء الخير للجميع
شوفو خطوه بخطوه وش اللي بقوله وساعدوني 😞
انا الدوره المفروض تجيني ( 1/26 )
قبل الدوره باسبوع واكثر جتني اعراض جداً ملحوظه
- افرازات مثل الحليب غليظه - غثيان في الصباح والليل - الم اسفل الظهر قووي - ودرجة حرارتي مرتفعهه خصوصا فالليل تزيد وكل يوم عن يوم نفس الشي و تعب لاي مجهود بسيط يعني مو قادره اسوي شي بس كله ابا انسدح وانام واكثر شي دقات قلبي مرره سريعه والتنفس عندي شوي صعب وقبل الدوره بخمس ايام تقريبا جتني نزلة برد وزكام خفيف بس يومين وراح ويوم الدوره اللي هوا 26 مانزلت بس اول الصباح مسحت بالمنديل وشفت عليها نقطة دم بحجم راس القلم وللعلم انا دورتي منتظمه سوا قبل وبعد الزواج
انا صارلي تقريبا 7 شهور على زواجي وحملت في شهر 11 كان عمره 4 اسابيع او اقل ونزل والحمدلله
المهم ي بنات انا يوم الاثنين رحت انا وزوجي العاصمه نغير جو ونتمشي ومشيت كثير فالمراكز وكل مره ادخل الحمام اشيك وماشي الا افرازات والنقطه اللي كانت على المنديل كان يوم الثلاثاء وظهري يعورني واااايد من الاسفل هذا غير الم رجولي يروح ويجي ونغزات ف صدري والصدر منتفخ وصاير ثقيل والحلمات بااارزه وايد وحساسه تعورني لما المسها ونزلت الدوره امس لما كنت فالمركز التجاري بس كان دم بني خفيف مع كذا نقطة دم احمر وبعدها مانزل شي واليوم نزل دم لكن مو مثل غزارة الدوره مع العلم اني عملت تحليل امس دم الصبح فالعياده لكن سااااالب وانا وربي يشهد انه كان عندي احساس انه خلاص حااااامل ومع اني ما افكر بس الاحساس كان كذا واللي اكد لي بزياده انه شفت نقطة دم في اول يوم تاخر الدوره وقلت هذا تعشيش حسب معرفتي وزوجي كان متامل لما كنا رايحين نستلم النتايج من العياده ويقول متفائل وكذا ولكن انصدمنا كثير كثير كثير
الحين انا قلت يمكن تنزل الدوره بس فيه حمل يعني فيه بنات تنزل الدوره بس يكونو حامل
امانه بنات ابي اقتراحاتكم اعطوني حلول من خبراتكم بليز بنتظاركم وش رايكم
وربي يرزقني ويرزقكم حبيباتي الحمل السليم المعافى