تعطير شامل للبيت

السلام عليكم
عزيزاتي متابعات منتدى عالم حواء
حبيت انقل لكم تعطير شامل ومتوفر وسريع لارجاء البيت ..جمعتها من النت ..والله يسعد كل من شاركت بتجربتها وقرئتها في موضوعي..وإن شاء الله يكون موضوع مفيد
نبداء اولا بتعطير المجالس:
جيبي مويه وحطي فيه دهن عود ورشيها على الاثاث والموكيت ..وبسرعة قبل ما ينشف جيبي مبخرة
وعود وبخري الغرف وهي رطب شوي..وسكري البااب كم ساعة حتي ينشف ثم شوفي الريحة كيف تثبت لك اسبوع..
بس انتبهي مو تغرقين الاثاث موية رشي برشاش على السريع.
ثانيا الموكيت او السجاد:
جيبي مويه وملطف ملابس وخمرية الريحة الي تحبينها وفرشاة قاسية...... وافرك به الموكت كله.....(عني افضل الرش ببخاخ فيه الخلطه المذكوره)
الطريقه الثانيه
مرة إسبوعيا قومي بفرك الموكيت والسجاد بفرشاة غطسيها في طشت أو إناء كبير مخلوط فيه ماء وخل أبيض وديتول الأخضر
إفركي السجاد لتنظيفه وتلميع الوبر وهويه وشمسيه
او اخلطي الطريقتين .
ثالثا تنظيف وتعطير الابواب الخشب والاثاث الخشب:
الريحة تستمر ثلاث ايام او اكثر ومرة روعة اول جيبي زيت الاطفال بريحة الورد او اي ريحة تعجبك
او اذا تبغين ريحة خاصة بك جيبي زيت الاطفال السادة وحطي معها دهن عود
او مخمرية خاصة للبيت او زيت الفوحة
الريحة الي تحبينها
وش المطلوب منك الحين جيبي شراب قديم خلاص بترمينه
قبل ما ترمينه استفيدي منه البسيه في يدك
وحطي من الزيت عليه وامسحي الابواب و الدرابزين وامسحي كل اثاث خشبي .
رابعا تعطير السيراميك:
اذا خلصتي تنظيف السيرميك في المسحة الاخيرة امسحيه بشوية ملطف ملابس ولا تشطفينه
وبتشوفين اللمعة والريحة والنعومة
خامسا تعطير الحمام :
اخذي اي مخلط عود او دهن عود او عطر عود بس بشرط يكون مركز
وقطري منه او رشي ع ارضيه الحمام
وجدران الحمام
ثم اسكبي عليه مويه خفيفه بس عشان تثبت الرائحه اكثر
ولاتغسلين بعده شي
وسكري الشباك وطفي الهوايه او المروحه
وشوفي كيف ريحة حمامك
=اذا كنت مستعجله
اخذ طشت واحط نصفه مويه واقطر عليه من اي عطورات العود او المخلطات
واسكبه بالحمام وع الجدران
واطلع واصك الباب
=بخري حمامك
بنوع بخور بس بخور ريحته ثابته اخذي المبخره وحطيها بالحمام
اكتمي الحمام واغلقي الشباك والباب
واتركي المبخره فيه دقائق
راح تجين تلقين الحمام كله بخور وريحته تفتح النفس ..التعطير مايتم الا مع النظافه
مغاسل اليدين تقدرين تعطرينهم بنفس الطريقه بعد ماتغسلينهم وتنظفينهم
تسكبي قطرات من العطر عليها وترشينها بمويه مو تغسلينها
الطريقه الثانيه لتعطير الحمام
تجيبوا مطهر العملاق الأخضر وتعملوا ثقوب في الغطاء بالمسمار ثم تضعوا العبوة بوضع مقلوب داخل السيفون وكل ما سحب السيفون فاحت الريحة .
سادسا تعطير المكيف:
اضافة زيت عطري على منديل وادخاله في المكيف ثم تشغيله وهذي كمان تفوح الريحة بسرعة وبرضوا الطريقة هذي حلوة يعملها الشاب في سيارته.
سابعا تعطير المكنسه الكهربائيه :
وذلك عن طريق تنظيف المكنسه من الداخل وتنظيف الغبار من الكيس وغسل الكيس جيدا ثم عرضيها للهواء الطلق حتى تجف عطري الكيس بعطرك المفضل اوضعي مسك مطحون داخل الكيس وكل مااستخدمتي المكنسه لتنظيف بتفوح ريحة العطر بالبيت وحتمسك بالسجاد والاثاث.
في طريقة رائعة اعملها تقريبا مرة في الشهر وهي انه انفض كيس القماش حق المكنسة الكهربائية لما ينزل الغبار اللي عالق فيه بعدين اغسله تحت ماء ضغط قوي ثم اغسله بالغسالة واضيفله غطاء معطر ملابس دون تايد وانشفه بالنشافة ويا سلام على الريحة كل ما شغلتوا المكنسة ما ودكم تقفلوها وتضل هالريحة شهر تقريبا بالكيس.
ثامنا: عند التنظيف:
جيبي منظف الزجاج واضيفي له كوب ملطف ملابس وامسحي به البيت كله وشوفي الريحة كل من راح يشمها راح يسالك عنها.
اذا عجبكم الموضوع ادعولي ربي يحقق لي مرادي .