تعطير غرف المنزل

كيفكم يااخوات لقيت طريقه سهله لتعطير الغرف
لاحظت قبل مده ريحه صابون لوكس الازرق حق الايدين كيف انها فايحه بقوه بلحمام المهم فكرت وفكرت وفكرت خلاص والله لوانها الذره
المهم جتني الفكره رحت ركض للحمام واخذت الليفه الرغايه اللي تجي مع صابون الجسم وفكيت الخيط اللي ماسكها من الوسط وطلع شكلها قطعه طويله وقصيتها من الوسط او اي طول ترغبين فيه وربطتها من الاسفل بشريطه حمراء وتركت مسافه بسيطه وشكلتها زي:32الورده وتركتها على جنب وجبت صابونه وبشرتها وجبت ورد مجفف وعندي قطن على شكل كور اذا مايتوفر عادي خوذي قطن عادي وشكليه بيدك دوائر وبعدين حطي القطنه باي زيت معطر عندك يكفي 3 او4 قطنات وبعدين اخلطي الصبون والورد المجفف والقطن مع بعض وحطيهم داخل الليفه اللي جهزناها من اول وبعدين سكري الليفه او اربطيها بشريطه وعلقيها في اي مكان يجيه تيار هواء بارد او ساخن انا علقتها على فتحه المكيف المركزي وفاحت الريحه بقوه لان المكيف حار طبعا تقدرون اتسوون اشكال اتزينون فيها الليفه وشكلها يطلع حلو انا ما ادري اذا كان احد يعرف الطريقه هذي من قبل انا فرحانه بعمري قال مسويه اختراع ورايحه جايه من امس على الغرفه اشم الريحه خفت ولا لا اتمنى تعجبكم الطريقه