السلام عليكم ورحمة الله وبركاته
أخواتي الحبيبــات
لأنكم الأقرب إلى نفسي في هذه الدنيــا
واثق بأفكاركم ,, وأعتز بآرائكم
وليس لي بعد الله سواكن استشيره في امري
إليكم ما أهمني ،، فشاركوني اسعد الله قلوبكم
ابتعثت إلى الولايات المتحدة الأمريكية لدراسة الماجستير في المرحلة الخامسة
تخصص التسويق من شهر 10 العام
( على فكرة التخصص اجباري لانه الوحيد المتاح للاقسام الادبية لاني مكتبات )
وكان مرافقي اخوي اصغر مني عمره 24 سنة وكان طالع يدرس جامعة
وانا لي خمس سنين متخرجة واول مرة انقبل للأسف دراسات عليا وبرا المملكة
وكانوا اهلي مو راضين رغم ان ابوي اصدرلي جواز سفر!!
وكان يوديني ويجيبني فترة الدورة الاعدادية للغة !!
وكان يساعدني في اوراقي واجراءاتي !!
وكانوا يدعون اني ما اروح .. !! كيف عاد يبونها تجي مدري
( للعلم ابوي حنون جدا ومايحب يكسر بخاطر احد ولايعرف يقول لا بس يعرف يضغط وأمي مرة ايه وعشرة لا)
لمن قرب موعد دراستي غير اخوي رأيه وبطل يروح وسافر لمدينة ثانية
وسجل في جامعة
قلت لعلها الخيرة وقربت انسى
بدأ الخطاب يتوافدون على طاري البعثة افواج ماشاءالله توهم تذكروني :mad:
وابوي يرفض هذا وذاك كل مايشوف في واحد نية دراسة
خايف اني اروح يرفضه ويطلع فيه مليون علة
وانا مازلت استخير :time:
رجع اخوي وقال لي انا ماعد ابي الجامعة اذا البعثة مازالت خلينا نروح
ووقتها انا اجلت الدراسة لعل الله يرسل لي محرم من عنده ويرضون اهلي
الحين ما اخفيكم ، حماسي مو مثل اول فلو بطلت خايفة اني اكون ضيعت فرصة لي وكسرت بخاطر اخوي وانا احبه
و لو اصريت ورحت امي وابوي شلون ارضيهم واقنعهم بوجهة نظري وعلى كثر الحوارات اسكت كل مرة من التعب
وهم مو راضين ولامقتنعين ولاودهم اني اروح ويختلقون الاسباب كل مرة
مره زعل ومرات يقدمون عروض
لدرجة انهم يعرضون علي فلوس عشان اشيل الفكرة من راسي
احيان اقول اضغطي عليهم يابنت بكرة يرضون
واحيان اتراجع اقول بكرة يصير لي شي يكون بسبب زعلهم
واخوي مصمم على رأيه
يهمني رضا والديني ويهمني مستقبل اخوي اكثر من مستقبلي :44:
مازلــت استخــير الله
لكن محتـارة ولاعندي صديقات ثقة يشورون علي بحب مثلكم فديتكم
ابي كل وحدة تحط نفسها بمكاني وظروفي وتقول لي وش بتسوي
أتوكل على الله واكمل اجراءات الفيزا وخاصة ان دراستي بعد 3 شهور ، بس شلون ارضي اهلي
ولا اشيل الموضوع من راسي واتعذر لأخوي بأي عذر واجلس واللي يصير يصير
دبدوبة بس أخلا111ق @dbdob_bs_akhla111k
عضوة فعالة
يلزم عليك تسجيل الدخول أولًا لكتابة تعليق.
طبيبه الجن
•
الله يوفقك وان شاء البنات يفيدونك
استخيري حبيبتي واللي فيه الخير الله ييسره لك ويوفقكاستخيري حبيبتي واللي فيه الخير الله ييسره لك ويوفقك
استخيري حبيبتي واللي فيه الخير الله ييسره لك ويوفقك[/
مش انت كنت منزلها موضوع عن امك؟؟؟
انا اشوف انها فرصة وروحي ابعدي عن الاجواء السلبية الي انت فيها.........واستخيري عل نية الذهاب ..........والله يوفقك ان شاء الله...........
انا اشوف انها فرصة وروحي ابعدي عن الاجواء السلبية الي انت فيها.........واستخيري عل نية الذهاب ..........والله يوفقك ان شاء الله...........
الصفحة الأخيرة