Swan_Lake
هلا اختي

فعلا هذا اللي يجول بخاطري
على العموم مرحبا بك وتعالي انصفي بنفس صفوفنا ما بايدنا شي

بس انتظري الاذلال والقهر والظلم من الناس مثل ماصار لي

كلنا ما احد يبينا الحين

والله يعلم وين بيكون مصيرنا الحين

انا مريت بايام تمنيت الموت على هالعيشه

يالله لا تاخذين بكلام اللي يقولك لااااااااااااا ومن قال المطلقه غير مرغوبه بالعكس هي مرغوبه

انا اقولك عن واقع المطلقه غير مرغوبه وانا مثلك لست مرغوبه

أخيتي الغالية ...

في الوقت الحالي محد بيلومك على مشاعرك ..
خذي راحتك .. وخلي شعورك يآخذ مداه الزمني اللي يستحقه ..
إذا نفسك متألمة من الرجال ومعممة نظرة الكره فهو أمر مقبول الآن منك .. مثلك مثل وحدة دخلت كورس دراسي ورسبت بمادة فكرهتها وتعقدت منها ...
وأنا أشوف إن الطبيعي إنك ما تقبلين الزواج أصلا ً في وقتك الحالي ...
الجراح العاطفية تستحق منا صبر وعلاج .. مثلها مثل الجرح الحسي ..
أخيتي من يلومك ..؟!
تعرضت ِ لتجربة غير سهلة على الإطـــــــلاق ..

خليني أقولك على شي ..
في الوقت الحالي ركزي على نفسك كثير ..
إذا تحسين برغبة في البكاء ابكي وطلعي اللي بخاطرك ..
إذا متضايقة من ملابس وعطور معينة تذكرك باللي مضى تخلصي منها ...
إذا في أشخاص تحكي بشفقة عنك ردي عليها بثقة ..
قولي الله ما جعل الزواج هو صك الجنة ولا خلى باب الجنة هو الزواج ..
صج الزواج سكن بس إذا كان راحة ومودة مو جحيم ونار ...!
وبالنهاية ليه نخليه هو الإطار اللي يرفعنا فوق أو ينزلنا تحت ..؟؟
فلنفرض إنك ما تزوجتي ...
هل بينقص قدرك عند الله شي ؟
هل بتكرهين القدر وأنت تعرفين أن الخيرة فيما اختار الله سبحانه ..؟
هل بتنفعك الناس لو عشتي مع زوج بجحيم ؟؟
أنا أعرف لك 5 على الأقل يتمنون الموت على بيوتهم وأزواجهم وما حدهم على الصبر إلا ظروفهم اللي أصعب من الصعبة ..
أقلها أنتي عندك أهل ومكان يلمك ..
أختي لا تهون عليك نفسك عشان تفكير ثلة متخلفة من الناس ..
الناس ما تقدم لك الراحة ولا كلامها هو مقياس السعادة ...
واللي ورا البيوت ما يعلم فيه إلا ربك ...
حاليا ً ..
ابحثي عن وظيفة تدر عليك دخل مادي لو قليل وتجدين فيها استمتاع وشغل للوقت ..
لو ما توفر لك العمل اشتغلي تطوع عند الجمعيات الخيرية وجمعيات المعوقين وربي تعرفين نعمة ربي عليك وإنك عايشة بجنة من غير ما تحسين ...
استقلي بذاتك ..
اطلعي للمناسبات واسترجعي علاقاتك مع صديقاتك وكوني صداقات جديدة ..


تذكري الرزق بيد الله وحده ما جاء به فحياه وما لم يجئ فهو غير مأسوف عليه لأن لو كان فيه خير لك كان يسره الرحمن لك ..

بنفسي حديث كثير ولولا أنني متعبة لأسهبت وأسهبت ...

أخيرا ً .. اقرأي القرآن وعليك بقيام الليل فهو سر السعادة التي لو علمها الملوك لنازعوا الصالحين عليها ..

وتذكري أن تجعلي الله هو من تخافينه وتخشين لا الناس ولا سواهم ...
ومن تولاه الله فلن يضيع ...

لك خالص الود
:24: :26:

شعورك في هذه المرحلة طبيعي. خذي وقتك لكن لا تخلي هذا الاحساس يسيطر عليكي. عندما تأتيكي هذه الأفكار قولي لنفسك العكس هو الصحيح وانك محظوظة لأنك تخلصتي من العذاب والحياة المره. غيرك مستمر فيها وما يقدر يتطلق. عليكي بالصلاة والدعاء صدقيني عندما تحسي بالألم ما يعطيكي راحة مثل الصلاة وقراءة القرآن. تحسي بهدوء ينزل على قلبك. والله يجعل الفرج قريب.

:44:

أخواتي و حبيباتي اللي ردو على.....بصراحه كلمكم مثل البلسم على الجرح.....جزاكم الله خير...
و يا اختي Rosee ....الظاهر انا و انتي كلنا في الهوى سوى ..متشائمات وايد..بس سمعتي كلام بنات المنتدى والله انه يجبر الخاطر و يشرح القلب......هو صحيح ان حظنا صار قليل في الزواج.....لكن ما تدرين واين الخير بيكون لنا.....لكن يالله رب العالمين قادر على كل شي...يا الله يا رب يا حنان يا منان يرزقج الزوج اللي يفرحج و يسعدج يا رب....قولي آمين

واختي عذبة الروح ...يالله ما اجمل كلامج.....بصراحه اشكرج على كلماتك الطيبه....والله صدقتي في كل الكلمه قلتيها....

و mznah ليش زعلانه حبيبتي..

على كل حال احب اشكر جميع حبيباتي و اخواتي في الله.....ويا رب ما ينقطع النت وأنا اكتب.....بس لازم اذكر بالاسم.....لانكم قدرتوني و ردتو علي و خففتو شي من احزاني
tatty
أمل نجد
احلىانوار
نسيمة الحجاز
ونة خفووق
مشاعل الرياض
saharrose
وعندي شي ثاني بعد اقوله بصراحه اكتشفت من خلال هالمنتدى طيبة واخلاق بنات السعوديه بشكل خاص و بنات العالم العربي بعد كله بشكل العام
واقولكم مره ثانيه احبكـــــــــــــــــــــــــــــــــــــــــــــــــــــم في الله....