اطلعت على موضوع الاخت الغاليه (عيون سعد) المثبت وكان لي تعقيب عليه :27:
بس حبيت احط ردي بموضوع مستقل حتى يطلع الجميع عليه ويستفيد
لمن لا يعرفني ...انا الدموووعه >>>>>>>>> اخس يانا بس :icon28:
اعيش عند اهلي من اربع سنين وداخله على الخامسه لضروف زوجي :44:
توني والده ما كملت شهرين .....طبعا ما يخفى عليكم حبيباتي الحمل والولاده ياخذون من عمر المرأه سنه كامله من حمل وولاده ونفاس
المهم قبل احمل كنت عايشه حياه شبه فارغه اللهم تربية ابني البالغ عمره تسع سنوات وبهالعمر ما ياخذ من وقتك الكثير .....ومافيه زوج ولا بيت
والحمد لله كنت احاااول قد ما اقدر استغل وقتي في العبادات وما ازكي نفسي بس كنت محافظه على الصلاة والسنن وقيام الليل ولو بركعه وقراة القران والدعاء والاستغفار
وتعودت على كذاااا :39:
وبعد ما حملت تعبت ,,,,,وانا حملي اقشر يزيييييد وزني بسررررعه واثثثقل ووحامي اقشر اكره حتى امي وابوي وولدي واهلي ( وزني تحول من 58 .....الى 103 ) تخيلو بس:44:
حتى الصلاة من الرابع اصلي جالسه من الثقل وما اقدر اسجد ...و .... ...و ....
يعني خلال هالسنه احس اني قصررررررررت كثييييير الله يكتب لي الاجر ويتجاوز عني
وتعبت وتعبت نفسيتي لاني مقصره وخاصة بعد الولاده وللحين احس اني مقصصصره
بس اتبعت بعض الطرق اللي ريحتني وحسيت اني اسوي شي ينفعني لحد ما يكبر النونو وارجع زي اول باذن الله
اولا : اثناء ما ارضع ولدي استغل الوقت بالاستغفار ....طووووول الوقت وهو يرضع استغفر واسبح
ثانيا : كنت اغسل الملابس بالحمام اكرمكم الله .......بطلت وصرت اغسل بالمخزن عشان اخذ راحتي
اغسل واقرا وردي الصباح او المساء ...او اسبح واهلل .....وبهالوقت اكبر
ثالثا : غالبا ما ينام ولدي بالليل ويكون شبعان ونظيف بس ما ينام ويكون هادي ما يصيح .....افتح الكمبيوتر على القران واحطه جنبي وانا جالسه واصير اقرا وولدي جنبي
رابعا : بعد ما طهرت .......انا انام اذا نام ولدي على طول عشان يمديني اشبع نوم خخخخخ .....اذا صحا ولدي يرضع ورجع نام ......على طول اتوضأ واصلي لي لو ركعتين......طبعا انا اتكلم عن النوافل ...الفروض امر مفروغ منه
صحيح الشيطان شاطر .....بس احااااول ادحره قد ما اقدر :mad:
خامسا :اذا كان يصيح وتعبان اشيله واهدهد على كتفي واستغل هالوقت منها مشي اخفف وزني ومنها اقرا المعوذات او اية الكرسي او اي ايات احفضها
او اني اسبح الله 33 واحمد الله 33 واكبر 34 وهذا يعيني على اعمالي اليوميه زي ما علمنا رسول الله
سادسا :ما استعين بالخااادمه ابد ابد ......عشان اشتغل وترجع لي رشاقتي المفقود :icon33:
سابعا :وقت الكوي .... ( ياااكرهي للكوي ) اردد سبحان الله وبحمده 100 مره
او اشغل ( بابا سلام ) واردد معا بعض السور القصيره عشان احفضها
ثامنا :بدل ما اعصب اذا ما نمت او اضل مكشره طول النهار ......على طول اخذ شور سريع واسوي لي قهوه وابتسم حتى لو اني تعبانه وما نمت
عشان تتحسن نفسيتي ....واقول لنفسي انها حاله مؤقته ولازم استمتع بطفولة ولدي بدل ما اقلبها غم ونكد
وكل هذا احتسب الاجر فيه لوجه الله تعالي
والله يابنات اني استفدددددت كثييير من هالطريقه خاصة وقت النفاس ........خففت كثييير من اكتئابي ووسعت صدري بدال ضيقه الصدر وهم النفاس
وحسيييت اني ما انقطعت عن العباده في عز التعب ويااارب يكتب لي الاجر
دمعه ورديه @dmaah_ordyh
كبيرة محررات
يلزم عليك تسجيل الدخول أولًا لكتابة تعليق.
دمعه ورديه
•
كلمه ولو جبر خاطر .... تهئ تهئ تهئ
ماشاء الله تبارك الرحمن
الله يزيدك من فضله..
واهتمي بنفسك ها الفترة دموعه تراها افضل فترة لتنزيل الوزن
الله يعينك وييسر لك امرك..
الله يزيدك من فضله..
واهتمي بنفسك ها الفترة دموعه تراها افضل فترة لتنزيل الوزن
الله يعينك وييسر لك امرك..
ماشاء الله عليك .. ونعم الأم يا دموعة .. الله يصلح لك بنيك
ويفرج عن زوجك عاجلا ..
هكذا تكون التربية .. وهكذا يكون استغلال الوقت ..
فعلاً يجب على الإنسان أن لا يغفل عن ذكر الله .. وهو والله دواء القلوب وشفاء الجروح
موضوعك رائع .. وكلماتك تكتب بماء الذهب ..
غفر الله لك ولوالديك
ويفرج عن زوجك عاجلا ..
هكذا تكون التربية .. وهكذا يكون استغلال الوقت ..
فعلاً يجب على الإنسان أن لا يغفل عن ذكر الله .. وهو والله دواء القلوب وشفاء الجروح
موضوعك رائع .. وكلماتك تكتب بماء الذهب ..
غفر الله لك ولوالديك
الصفحة الأخيرة