تعقيبا على موضوعي عروس وافكر بالانفصال .

موضوعي السابق هناhttps://www.hawaaworld.com/sho...
بقولكم اخر ماوصلت له ماتحملت نبقى بنفس البيت وكل واحر بجهه.رحت له واستسمحت منه مع انه هو الغلطان لكن قلت عشان تمشي الحياة لازم اتنازل للمره الالف.قلت له ليش تخلي حياتنا كذا ونحن بامكاننا نخليها جنه وكلام كثير بقلبي لقيته يبكي ويقول انا مدري ليش اسلوبي كذا معك وتراضينا والحمدلله وانا بنفسي اقول مابكون مثل اول بالمزح والضحك معه .. لكن لان قلبي ورجعنا لنفس الحال.وهالمره حسيته اشد من اول.صارت مشكله كبيره على سبب تافه كالعاده صار يمد يده علي ويصرخ علي صراخ فضيع.ليش كل هذا انا مليت وتعبت نفسيا وجسديا
المفروض يكون احن علي من كل الناس هالفتره لاننا اكتشفنا ان فيني المراره وعطوني علاجاتي ونفسيتي تعباانه.قلتله انا ابغى اروح.بيت اهلي ولاعاد برجع وهالمره مو مثل كل مره انا مليت وكرهتك وكرهت العيشه معك.انا الحين في بيت اهلي ولله الحمد مرتاحه والله الظيم احسن من الجحيم معه.وامي واختي اول مره يزعلون منه ويصدقوني هذا اللي مفرحني.لكن اول ماجابني قعد يتجنى علي ويقول انا السبب وماعرف ايش!! ولما راح اتصل على ابوي وقاعد يبرر لنفسه فهمتوا كيف يعني يقول هي السبب انا ماسويت شي وكذا يعني ماهمه اني مريضه ولافكر يخاف علي او يتطمن لاني كنت بحاله مزريه ..الزبده يابنات أفكر جديا جديا اني انفصل وش جابرني على هالحياة اللي كلها مذله وشد اعصاب .والله اني تحملت كثير وتنازلت كثير وحاسه اني عشت معه خمس سنوات مو خمس شهور
لاتقولون لي وش تتوقعين اللي بيتزوجك كل الازواج كذا اول سنه كلها خلافات انا مافكر اتزوج انا مرتاحه كذا تعبت من الضغوط ونفسيتي جدا تعبانه.يعني اخاف من كلام الناس ولااخاف على نفسيتي وحياتي! انا مو مرتاحه معه ابدا
مفكره اني اجلس هنا في بيت اهلي واطول الى ما اقرر وش بسوي.شوروا علي وش اسوي اذا جا او اتصل انا مابي ارجع ابيه يفقدني ويحس بمكانتي واني ماظلمتهاللي استغرب منه ليش يعاملني كذا وهو كان بينجن عشان اوافق عليه.وكيف كان مبسوط اني صرت له .
الله يجزاكم خير