تعقيبا على موضوع (( ادعوا لي ربي يتمم لي على خير 💃))

الموضوع هذا هو وما صار عليه شي لحد الان وما اعرف اذا سال اخوي عنه اولا ادعولي اليوم فضيل ودعوة المسلم لاخيه في ظهر الغيب مستجابه







هذا الموضوع اللي نزلته قبل فتره 😔
السلام عليكم ورحمة الله وبركاته

انا اليوم بكتب لكم قصتي واتمنى اجد منكم دعوه صادقه انتم عارفين مواضيعي كلها تدور حول الزواج ادري بعضكم مل مني ومن كلامي حتى لو ما قرأتوا موضوعي اسم اني فضفضت وطلعت اللي بقلبي انا خلاص قربت سن الياس عمري ٣٨ ادري ان فيه منكم تقول وش يعني اقول الله لا يذوقك اللي ذقته انا يابنات انخطب كثير كثير من شهر خمسه الي فات الى الان اربع مرات ويارب الرابعه ثابته الاولى من متزوج وكتبت لكم قصتي بعد ما حددنا الملكة وسويت كل شي وعزمنا كل الناس اعتذر الله لا يسامحه بعد ما شافني وخسرني بس احمد ربي خيره وبعدها باسبوعين واحد بس الله يشفيه مريض نفسي وجلست رمضان ادعي ربي انه يعوضني واتصلت علينا في شوال وحده تخطب لاخوها عن طريق خطابه بس سبحان الله طلعنا نعرف ناس من جماعتهم وحددت موعد حتى تجينا للبيت ولا عاد شفناها قربت شهر ونسيت موضوعها خلاص لانها تتهرب مننا يوم حددنا الموعد وخيره من ربي

والرابع هذا خطبني العام الماضي وكلم اخوي بس ماكمل معه الموضوع لانه وضعه المادي ضعيف جدا وزوجته متوفيه وماعنده اولاد واصغر مني بسنه ونصف او سنتين انا عمري ٣٨ وقبل شهر تقريبا كلم الحرمه الي جاء عن طريقها هي تقول له تقريبا شهر يدق وما عطيته وجه حتى ازعجني وردت عليه قال ابغ ارجع اخطب من الناس اللي كلمتهم العام الماضي وبعد محاولات عطته الرقم وكلم اخوي وهنا المشكله هو دوامه في العصر وكل ما كلم اخوي تعذر منه مره مشغول مره بنتي مريضه مره مادري وش عنده له الان قرابه شهر ونصف يبغون يتقابلون وما يتفقون واخوي احسه مو مهتم مره ما ادري ليش حظي كذا مليت من الانتظار كل موضوع انتظره واخطط له ويتفركش والاسبوع هذا ناوي يقابله وما ادري يتقابلون او لا

والرجال شكله جاد ولا يدخن ولا يشيش ومحافظ على صلاته صحيح هو من خارج قبيلتنا بالمره يعني بعيد بس والله ما يهم لكن وضعه المادي مره ضعيف راتبه ٤٠٠٠وعليه ديون مايهم انا معلمه وبساعده بس يتم موضوعي على خير والله قبل ما يتصل على الحرمه باسبوع جاء في بالي ما ادري ليه يمكن ربي كاتب لي نصيب معه

يا اخواتي ادعوا لي ربي يتمم لي على خير ويقابل اخوي وييسر لي امري والله انا محتاجه للزواج مررره فوق ما تتصورون ابغ احمي نفسي من الفتن من المغريات يارب ارحمني وحقق لي ما امتى واكفني شر نفسي والشيطان اللحين بتدخل عشر ذي الحجه لا تنسوني من دعواتكم واللي بتحج تكفى تدعي لي والله مالي بعد الله غيركم افضفض له لا تتركوني ترددت قبل ما اكتب بس خلاص قررت وكتبت

تكفون لا تتهجمون عليه بردودكم اللي فيني كافيني وعمري مايسمح بردود سخيفه خلاص ٣٨ ابغ حد يواسيني يوقف جنبي والله ما انساكم من دعائي


ولأنِي أجهَلُ الغَيبْ يَا الله ؛إجعَلْ القادَمْ لِي خَيرَاً ،وَ لا تُعسَر لِي أمَراً