تعقيب على قصة وفاة اختي القصه كامله مثل ماطلبو بعض العضوات

السلام عليكم
جتني رسائل ع الخاص كثير يسئلون عن عمر اختي وهل ماتت من مرض
عمر اختي 23 تدرس ب الجامعه م كانت مريضه وفاتها طبيعيه .... قبل وفاتها ب 3 اسابيع تسامحت من الناس الي تعرفهم كلهم لاننا نقلنا من الحي الي كنا فيه قبل لانطلع من بيتنا اختي قالت بتسامح من الجميع قلت لها كلهم يحبونك ولا غلطتي على احد قالت لازم اسمع منهم كلمة مسموحه عشان ارتاح ... قبل وفاتها بيوم راحت السوق وجابت قهوه وهيل وتمر اكياس كبيره استغربت منها قلت لها ليش هذا كله قالت حاسه انه بيجينا ضيوف كثير وقامت ونظفت البيت كله قالت لها امي البيت نظيف تونا ساكنينه ليش تنظفين قالت مدري احس اني مره نشيطه ابغى اتحرك ابغى انظف م ابغى اجلس تركناها على راحتها واليوم الثاني الي هو يوم وفاتها صحت بدري ولا افطرت ولا اكلت شي تقول نفسي مسدوده م ابغى اكل قبل الظهر استفرغت وقالت اول مره احس روحي بتطلع قالت لها امي الظاهر انك مريضه قالت لامي لا مو مريضه بس تعبانه شوي .. جتني ف المطبخ وجلست عند باب المطبخ وقالتلي تصدقين ان الموت حاار واحنا نتمناه قلت لها ليش ؟ قالت مدري احس كذا بس امانه اذا توفيت ادفنوني جنب قبر عمتي لان عمتي ربتها وهي صغيره قلت لها بسم الله ليش تقولين كذا قالت مدري داخلي احساس غريب اول مره احسه حاسه اني بموت قريب جلست اضحك منها قلت لها تعوذي من ابليس وجلست اكمل شغلي باقي الأحداث ذكرتها لكم سابقاً .... حالت امي وابوي لايعلم فيها الا الله امي بعد وفات اختي جاتها جلطتين من كثر التفكير وابوي كل يوم يشم ريحة ملابسها الي توفت فيها ويقول ياارب ابغى اشوفها بس في الحلم ... كانت اصغر وحده في البيت وكلنا نحبها كانت طيبه الكل يحبها ... والله ي بنات احسها للحين عايشه م ماتت .. امي مسكينه كل يوم تجلس ف الصاله مقابله غرفت اختي تقول انتظرها تطلع منها انتظرها تروح الحمام او المطبخ او تجلس جنبي حالت امي صعبه ولما ابغى اهديها انهار م اتحمل نصير كلنا نبكي ونطالع في باب غرفتها .... ادعو لها بالرحمه والله اني اكتب لكم وانا ابكي
ادعو لها ... لما تخرجو صاحباتها من الجامعه هذي السنه امي راحت وجابت روب التخرج وجابت هديه لاختي واحتفلت في تخرجها وحطت الهديه والروب على سرير اختي الله يرحمها قلت لامي لاتحتفلين لانها ماتت خلاص قالت لا هي عايشه بس م تبغى تجينا احس امي وسوست وانا مثلها ... يوم تخرج اختي ارسلت لها ع الواتس رسالة تهنئه اعرف انها ميته م بتقراها بس حبيت اهنيها لانها كانت نتنظر لحظة تخرجها .... طولت عليكم ولكن م عندي احد افضفض له الكل تعبان نفسيا من وفات اختي
ادعو لها بالرحمه كل م قريتو قصتها او تذكرتو قصتها

كل عام وانتم بخير