تعقيب على من زمان عن الحليب والحفاظات

مساء الخير جميعاً


أولاً أشكر ألي شاركو بموضوعي الأول وعطوني نصائح


جلست ألى الفجر أقرأ المشاركات وقررت الظهر لما يصحى ويفطر ويتقهوى أفاتحه بالموضوع


لما أفطر وروق حطيت له القهوه وديت ولدي لغرفته وشغلت له فيلم كرتون


رجعت لزوجي في الصاله وكلمته ما تتوقعون ردة فعله كيف كانت كأني رافعه صوتي عليه


عصب ورفض يقول ماااااابي عيال !!


قلت له أستغفر ربك كيف ما تبي عيال تبي فهد يعيش وحيد بدون أخوان


قال مو الآن شوي


قلت ألى متى


قال تبين عيال بعطيك أياهم وأنا بتزوج و بدور راحتي ببيت ثاني هادي و تدلعني 😔😔




ما تدرون يا بنات ضاق صدري من كلامه وأحسه يبي الكمال لما كنت نحيفه كان يهدد بيتزوج سمينه
لما ضغطت على نفسي بالأكل وسمنت شوي علشان أرضيه


والآن مهدد ثانيه يتزوج يبي الهدوء




هو زي ما قلت قبل يكره الأطفال خصوصاً من الأربعين لعمر سته ما يحب الأزعاج والبكاء


وولدي فهد صح تعلق فيه لكن جاب لي مربيه فلبينيه تساعدني لما كبر ولدي صار يأخذه معي أغلب اليوم


وعند جمعات وعزائم الرجال




زوجي ولد عمي وفي عائلتنا نجيب أطفال ما يقلون عن خمسه أربعه في كل أسره ألا أسرتنا حالياً رافض هو وكم واحد كبره من عيال عماني حتى حريمهم متضايقين منهم




هل أسكت وأفتح معه الموضوع بعدين وألا أقول كيفك تزوج أنا أبي أخوان لولدي ؟؟