تعقيب على موضوعي ( صديقتي والنهايه بينا ... تعالي قوليلي رأيكم للحكيمات

بنات أمس نزلت موضوعي
واتوقع أغلبكم رد ماقصرتو حبيباتي على الردود مابي أعيد القصه لأنكم
عرفتوها والي تبي تعرف ترجع لموضوعي أمس وتقرأه
المهوووووووم
بعد ماكتبت الموضوع وكنت طبعن أفكر في الي فرقت بيني انا وصديقتي
وكنت أردد حسبي الله ونعم الوكيل
سكرت النت ونمت وقَعَدت على صلاه الفجر صليت ورديت نمت
ومحبتها نومه اول مره انام كذا وحلمت والله يبنات في صديقتي
مع العلم اني مو دايم احلم فيها يمكن ثلاث او اربع مرات خلال الثلاث
هالسنوات
بقولكم الحلم وعطوني تحليلكم انا عاد ماحب أفسر الأحلام ماحب الشي هذا
بس الي مستغربه منه اني حلمت فيها بعد ماكتبت موضوعي عنها
شوفو ماني ذاكره الحلم بالضبط بس بقول الي اذكره
شفت صديقتي وكانت معاي وكانت مو مرة مستأنسة ولا متضايقة عاديه
بس كانت وتسولف معاي وفجاء نادتها خالتها من الرضاعة الي قرت موضوعي وردي الأخير
بتعرف خالتها هذي هي اخت البنت الي كانت تبي تفرق بينا وعلى فكره خالتها هذي
حقودة ولا تحب الخير للكل مو لي للناس وتحب تفرق ونمامه ماقول الا الله يهديها لنفسها
المهم خالتها هذي نادتها وخذتها عندها مع اني كنّا مبسوطين وختفت صديقتي وكنت أشوفها
بعيده عني وهذيك طايحة فيها توتوتها بإذنها
وانا حسّيت بضيقه وبس خلص الحلم قعدت اليوم على الظهر بس أفكر شمعنه طلعت خالتها لي بالحلم
مع الي كنت اتوقع انها فرقت بينا اختها وهم نفس الطينه بس كنت مستبعده اختها الي هي
خالت صديقتي بالرضاعة ???
هل هذي دلاله على شي يعني ان المره هذي هي السبب مادري انتم شنو تحليلكم
الي عندها كلام يجرح ويزعل ياليت ماتقول ابي راي للحكيمات
انا مستغربه شنو جاب المره هذي معانا بالحلم مع انها قريبه حيل من صديقتي
ولها تأثير قوي قوي عليها هل هي ممكن السبب
للعلم هذي المره معروفه انها قد تسببت بتفرقه حريم من أقاربنا ودايم كذا
طبعها يارب تدلني على الحقيقة وتقوي قلبي وانساها ومصير الحي يتلاقا
ربي أستغفرك واتوب لك