عن تجربه لما تزوجت عمري 25 زوجي عمره 37
طبعا كنت اعتقد عمره34 على كلام اهله لكن مدري ليه كذبوا علي الله لايسامحهم
لكن بقولك عانيت معاناة شديييده من ناحية التوافق الفكري انا من جيل وهو من جيل ثاني
انا مثقفة والحمدلله وهو العكس واصلا ماعنده اي رغبة بإكمال تعليمه الجامعي لأنه ثانوي او زياده ثقافته بأي طريقة كانت
ودايما يشكك بثقافتي وبمعلوماتي ومايصدق اي معلومه او شي اقوله له لأن شكله من نوعيه الناس الي يقيسون خبره الشخص وثقافته بعمره مو بعقله !!

الشي الثاني هو شبع من الوناسه بشبابه طلعات وسفرات وتمشيات والحين مل من هذا كله
 وانا من حقي اني اعيش حياتي وشبابي وللأسف مافيه تجاوب او رغبه منه

الامر الصدمه انه تزوج فقط عشان يجيه عيال ع حسب قوله ان العمر راح عليه يعني ماتزوج عشان الاستقرار واعفاف النفس 

وللأسف مااقدر انفصل عشان ولدي
ولو ترجع بي الايام جلست بنت ببيت اهلي طول عمري بدل الزواج والعيشه الي تقصر العمر

اتمنى لك التوفيق والله يكتب لك الي فيه الخير

ام عمر

الله يسعدك وجزاك الله خير


فتاه الريف

غريب انعدام التوافق مع ان اعماركم قريب من بعض يعني مو ذاك الفرق
اظن هالشي بسبب تعليمه ...

الله يسخر قلبه لك وبسعدك
وبخصوص ندمك ...لاتندمي ترى والله وجود اطفال بحياتك نعمه الله يخلي لك ابنك

انتي لاتحطي العمر سبب عشان الزواج .. ولاتقولي خطابك قليلين ..

انا ماقد حد خطبني الا زوجي فقط تخيلتي ..

وكنت تقريبا بنفس عمرك او اقل بسنة وهو اكبر مني ب 3 سنوات لكن سبحان الله جاني رجال ماكنت احلم فيه كل الصفات الي تتمناها اي بنت والحمد لله اقدر اقول عن حياتي انها مثالية ..

انا اقولك كذا عشان لاتفكري تتزوجي اي رجال عشان عمرك حرام تضيعي شبابك معاه وانتي ممكن يجيك الاحسن ومو شرط يجي من محيطك و اهلك ..

الله يوفقك بحياتك و يرزقك الزوج المحب الي يسعدك ..

لوليتا


ماراح اختار احد اتزوجه الا بقناعه تامه مستجيل اخذه لمجرد عمر وبسس!!

لكني احط سني بالاعتبار
تدرين المجتمعات تختلف من حد للثاني وتقييمهم للبنات غير
انا اثق بنفسي واحب نفسي كمان ومو مسترخصنها ابددددد
لكن لو تميت اتهاون بسني ومااهتم له بيمر العمر بدون حتى يكون عندي طفل ...!
كل القصه اني اتريث وافكر واعيد التفكير اكثر من مره عشان ادرس خياراتي واتوصل لنتيجه اتخذها بقناعه تامه

فعلا هالانسان شكله مايناسبني
علما باني بالبدايه بس عرفت سنه استغربت لكني قلت ماراح احطه عذر لرفضه
اما وعنده كل هالمشاكل واشياء ثانيه لم اذكرها هنا فالافضل مشاركة الاخوات هنا عشان يساعدوني لايضاح الرؤيه
والحمد لله
الان افضل ..

جزاكن الله خير

نصيحتي لاااااتستعجلي انتي صغيره وهو كبير
وخصوصا امراضه السكري بشكل عام = ضعف
واكتئات يعني تتحملي كل الي يجيك وخصوصا اذا ماتابع الدواء وغيره اصبري بتحصلي الافضل منه والله يوفقك