اولا شكرا لكل الي ردو على موضوعي بخصوص تصرفات بنتي وبنسبه للي انتقدوني الله يسامحهم ويعطيهم على قد نيتهم المهم الحلول الي اعطيتوني اياها اولا
فرط نشاط حركي
ثانيا توحد وانا استبعد لانها بعيده عن تصرفاتها
ثالثا اوديها شيخ واقرى عليها سورة البقره كل يوم شغاله باعلى صوت وتحصين لي ولعيالي مستمر ودايم استودعهم الله الذي لاتضيع ودائعه
بنتي الاعراض الي اقرب لها فرط نشاط وهي جدا ذكيه تفهم الشي وهو طاير وبنسبه لتركيز تركز واذا وريتها اي برنامج تعليمي عن طريق اليوتيوب تفتح عيونها واذانها ولا تلفت ابدا ماعندها تشتت بالانتباه
واذا انتهى تقعد تسئلني ليش سوا كذا او اي سؤال تحب تستكشف بنسبه لمعاملتنا لها ولاختها نفس المعامله مافي فرق نحبها هي لانها الاصغر بس صح احيان ننتقدها واقولها انتي وسختي انا زعلانه منك لاتكلميني
وتقعد ولاهمها بنسبه لضرب انا ماحب اضربها لاني كنت قبل اصفقها وماجاب اي نتيجه بالعكس كانت تزيد الحين احاول اتفاهم معها بهدؤ وصبر حلولكم اعجبتني و*****الله راح ارجع مختص بسلوك الاطفال
راح اسجلها بنادي سباحه او رسم او اي شي كنت اتمنى ان الروضه يقبلونها لكن اكتفو ويصرفون اتوقع مشكلتي حركتها هي متكسر لكن تحب تغط كل شي بالارض مع اني خصصت لها بغرفتها 3 زبايل صغار تجمع الاوساخ فيها ولاحياة لما تنادي
الحين قبل شوي سويت اجتماع عاجل بافراد البيت واولهم البنات الصغار وقلتلهم بنظف كل البيت وهذي اخر مره اسمحلكم توسخون على كيفكم راح اعقبكم لان زي مانا مسئوله انتو مسئولين ukعن نظافة المكان الي تقعدون فيه
وجبت سطل مويه وكلوركس وسائل لوكس وديتول وقلت لبنتي الصغيره جمعي كل ملابسك الوسخه بغرفتك وجابتها كلها وحطينها بالغساله وخليتها تشغلها وانبسطت وبعدين عطيتهم مسحات ومسحنا السراميك وغسالناه
وانتقلنا لغرفتهم عطيتها كيس زباله ولمت كل اوساخها ومسحنا الارضيه بديتول وقفلت باب المجلس والمطبخ وغرفتي بعد تنظيف
وبقيتلهم الصاله وغرفتهم وخليتها تكنس الصاله هي واختها وماشاءالله تعبت ودخت انا واختها وهي منعنشه الله يهديها يارب تدرس وافتك من شقاوتها
وقبل شوي كنت ارقبها وهي ماتدري وشفتها ترمي شرايط لشعر بصاله وهوشتها ولمتها والحين قاعده تبكي مدري وش تبي لكن وعدتها اشتريلها لانها نظفت كراسة رسم وصلصال والوان وشنطه زي كل مره والله يعين اكيد خلال يومين بتقطع الكراسه وتكسر الوانها
بنسبه للبنات الي يقولون اشتري لها العاب العابها تمل منها بسرعه وتغطها ,والله يقدرني اربيها واختها احلى تربيه ويارب يخليهم لي ويسعدهم ويسعد كل الي عطوني حلول دنيا واخره
: تحملي و على قد تعبك بتفرحين فيها ان شاءالله :)
الله يحفظهم لك و يجزى كل ام خير الجزاء :)