تعقيب على موضوع بنت زوجي شوفو اش سوت / تم الرد

يااخوات هيا لسانها عليا طويل مافي احترام ابدا في الاسبوع الماضي يوم الجمعه رحنا إستراحة عايليه فلبست لبس مش كويس يعني لو شافوها حيتكلمو فينا يعني راسم جسمها رسم اخوها الكبير شافها قلها غير لبسك وانا كلمتها ولكن للأسف مصره عليه فقلت لابوها شوف لبس بنتك ابوها قلها لبسك مو محتشم ياتغيري ياتجلسي انا سامع أمك تقولك غيري من اول وانتي تبغى الي في رأسك على طول فسخت وماني رايحه وابوها راح السياره وتجلس تنافخ انتي مالك صلاح انا حره وبكيفي وكلام كثير وانا ساكته قلنا لها انا واخوانها بلا نكد البسي ويلا بالغصب غيرت روحنا وطبعا مطنشتها ثاني يوم طلبت مني تبغى تطلع للجيران وإحنا نبغى السوق عشان المدارس قلت لها ماتطلعي أبوك جاي بنروح نقضي عصبت وقال ناس مريضه وقفلت الباب في وجهي وانا طلعت شياطيني ساكته ومنطمه عشان لا تصير مشاكل دحين تغلطي والله ماسكت واعطيتها كلام وقلت لها حسبي الله ونعم الوكيل وجا ابوها اش في قلت له الي صار وهيا واقفه قلها فين الإحترام عشان قالت ماتطلعي تقولي ناس مريضه وقفلت الباب في وجهها جلست تقول لا موقصدي تبغى تطلع نفسها قالت انتو ماتبغوني ودوني عند أمي قلها أبوها روحي انتي دايما تبغي حجه تروحي واقولها قبل ماتروح تعوذي من الشيطان وراكي مدرسه وخليت بنت جارتي تنزل تكلمها ماحترمت أحد وراحت لأمها جدتها وخوالها طردوها ثاني يوم وودوها لعمتها المهم عماتها ماسكتو لها وعرفو أنها غلطانه وجا ابوها وتفاهمو وانا حالفه ماترجع وتدخلو عماتها ورجعت لكن انا خلاص ماعاد متقبلتها لا وامهم ترسل رساله اذا ماتبغيها ترجع اطلبي الطلاق وانا ارجع لعيالي هيا حاسه انو عيالها مشتتين عشان اهلها مايبغو هم تبغى تصلح غلطها وانا ماقصرت رسلت لها رساله خليتها تندم إنها رسلت مدري ليش حاقده عليا كأني انا طلقتها من زوجها وانا يعلم الله تزوجته وهو مطلق ومايبغاها بسبب مشاكلها هيا واهلها فما ادري كيف حتحملها الأيام الجايه خلاص نفسي انكسرت منها مستحيل ارجع معاها زي اول 😐😐😐