الله يفرج همك وييسر امرك

ما قريت مواضيعك بس لفت نظري جملة أن المستشار رفض الطلاق عزيزتي انتي غير راغبة بالطلاق وتحبي زوجك رغم كل عيوبه ارجعي لزوجك وانسي أنه يتغير ولا تدخلي اهلك بالمواضيع زي كذا لانهم ينقهروا على كرامة بنتهم وللاسف البنت على قلبها زي العسل الله يعينك يا بنتي هذا ابتلاء

توني اقرى موضوعك الاول .....انتي لانك تحبينه وانتي بنفسك قلتي في موضوعك الاول للحين احبه وووو
ففرحتي كثير بكلام المستشار انه الطلاق مو حل
انتي تقولين كل اللي حولك يلومونك ليه قاعده عنده ومااخذتي موقف من تصرفه فحسيتي بتانيب الضمير فانبسطتي وفرحتي بكلام المستشار انه يقول الطلاق موحل حسيتي براحه نفسيه انه في احد قالك اقعدي معاه
انا مادري اش الهبه اللي طايحين فيها الحريم مستشار ومستشار ......كل وحده مستشارة نفسها كل وحده تعرف الانسب والاصح لها
بلامستشار بلاخرابيط المراه اللي متزوحه من سنين خلاص صارت خبره في الحياه وتعرف اش ينفع واش ماينفع لحياتها ولزوجها وتعرف الصح والغلط المستشار مهما عطيتيه نبذه من حياتك لايمكن يكون رايه نفس الراي اللي يمليه عليه قلبك وعقلك انتي ادرى بحياتك
انا والله مالومك بحبه القلب ماهو بيدنا انتي مبتلاه بحبه غصبن عنك
ولا الومك في قعدتك معاه وعدم طلب الطلاق احيانا الوحده تحكم عقلها وتلاقي حياتها مع زوجها رغم عيوبه افضل لها من الطلاق
وقتها تضطر تتحمل وتصبر وتحافظ على الحياه ......خليك قريبه من ربي وباذن الله بيجيك يوم ندمان وطالب السماح والعفو .....والله يربط على قلبك ويفرج همومك ويختار لك الخيره في امرك.......وطمنينا على جديدك اختي الغاليه

اتركيه واكسري وراه جره هذا مايستاهلك انتي كثيره عليه
لاتذلين نفسك له ان ماعزيتيها ماراح يعزك ويحترمك احد
اخذي اطفالك وروحي بيت اهلك وارفعي قضية طلاق وردي اعتبارك
لاترجعين له لويفرش لك الارض ورد وحرير
اصحي على نفسك وخليك قويه لاترخصين نفسك دموعك مايستاهلها هالحقير
ابدي صفحه جديده وعيشي لعيالك بدونه واعتبريه مات
اللي هذا اسلوبه ووضعه ماراح ينفعكم ابد
خليه يذلف معها جعله مراح جدي
وغيري ارقامكم انتي وعيالك وخليه في حريقه
لاتعلقين حياتك وسعادتك في انسان واطي ماعرف قدرك وباعك برخيص
لاتنازلين عن كرامتك وتحطين عيالك عذر
عيالك ماراح يموتون بدونه ماوراه معزه

الله يوفقك لكل خير