تعقيب على موضوع راح تنصدمو من برنامج الع

السلاام عليكم
كيفكم حوائيات اليوم مضى اسبوووع تقريبا ع برنامج العناية بجسمي لمدة شهر وبكتبلكم النتائج وشو التغيرات الي صارت..... بس قبل هييك بدي تحفزوووني وتدعولي دعوووه من قلبكم انو الله يرضى علي ويحقق الي في بالي وما يتم هالشهر الا وانا والي بدي اياا مخطوبين ويوافقو اهلي عليي

قبل ما ابدا الي بدها تفهم منيح ترجع تشوف موضوعي الي قبل وتفهم اكتر شو هم خلطاتي

بسم الله نبدا .......

1- بالنسبة لخلطة رموشي (فازلين وخروع وزيت اللوز الحلو) ضفت الهم نواة التمر من تاني استعمال والي لاحضتو للان رموشي كأنهم لحالهم امسكرين ولونهم اسود غامق وشوووية شووووية كثافة ولسا ما شفت طول والخلطة حكولي تبان نتائجها في اسبوعين لشهر من الاستعمتال اليومي.....وانا مستمرره هينيب لانو سواد رموشي عاجبني ترررره ❤❤❤

2- بالنسبة لقارورة الي عملتها لوجهي انا طبيعة وجهي دهني لهيك صابونة الغار بزيت الزيتون الي ضفت بس ربعها للقارورة عملت وجهي كتيير دهني لدوجة حسيت الدهون لبراا طلعت ..... لهيك وقفت استعمالها من تاني يوم ورجعت ع صابونة البابايا لحالها وكتييييرر افرقت معي ونشفت الدهون الي في وجهيي والي كانت كلش مدايقيتني ..... الي بشرتها جافة تستعمل صابونة الغار الي بزيت الزيتون يا الله فضيعة بالترطيب

3-بالنسبة للقارورة الي عملتها لجسميي كتيييير منيحه وترطب جسميي كتييير منيح خاصة انو فيها صابونة الغار بزيت الزيتون نفعت لجسمي بس وجهي لااا

4-خلطت بياض التلج استعملتها يومي لجسمي ولوجهي وكنت احطها ع كل خلية بجسميي

5- عملت خلطة جديدة للأندر آرم هي عبارة عن نشا وجيلسوليد وليمون وشبة

6-الحمام المغربي بصراحة تكاسلت اعملو كل يوم اول تلات ايام عملتو اول يووم وبعدها بيومين اعملتو كمان مره بس

النتائج الي للان وصلتلها
1-وجهييي موووووووووورد كأني اجنبيه وقالب ع زهرررر للامانه ما شفت الا تفتيح بسيط بس خدودي يا حوائيات يهبلن 😍😍😍 اقسم بالله رحت ع عرس قبل يومين اني ما حطيت بلشرر عليهم استحونت اخفي لونهم لانو كتييبر مبين حمارهم مش لما حدا يدقق حتى يلاحظ اذا موردات او لا .... التوريد وااضح كتييييير ما شاء الله

2-جسميي حسيت بصفااوة خفيفة وتبيض شوووي يااا دوب لا يذكرر بس بالنسبة لأذي زبدددة حسيتهم ما شاء الله وتفتيح في رجلي كمان مش القدم الساق اقصد واه كمان ركبي وكواعي فتحوو كتيير واكترر شي باين ع اكواعيي ما باقي الا شوي وتصير كواعي من لون ادي ..... اما بالنسبة لنعووومة شو احكيلكم لاحكيلكم ريششششششة وطايره احس حالي 😂😂😂😂 دابي امسح ادي ع بشرتي عشان النعومه 😂😂😂😂😂 تبارك الله ...... بس باقي البياض بدي جسمي يصير كلو لون واحد 😛😛 وهيني مستمرره .....والي عمرها جربت بياض الثلج لجسمها هاي الي ما فيها صابونة الغار تحكيلنا كم اخدت وقت لبانت نتيجة البياض ....لانو قريت ع القوقل انو بدها اقل شي شهرر....وهيني مستمرره بإذن الله 💪💪 شجعوووني بنااات 😍😍😍😍

3-رموشي متل ما حكيت من قبل سواااد فاحم تبارك الله كأني امسكريتهم شووووية كثافة وما بعرف اذا كثافة من جد ولا لانهم صارو سوود كتيير بانو انهم كثيفين.... وحسيت كمان انهم معكوفين رموشي لفوق وهاي شغلة فرحت فيها 😍😍😍😍

4-خلطت الاندر آرم حسيت بتفتيح مش كتييير بس انو في تقدم لكن احلا ما فيها انك لو شو ما تعملي مستحيل يكون في عرق نهائيا متل الي تمتص العرق وتنشفو او ابصر كيف ممممم بس لاحظت في حكة واليوم لما دققت حسيت في شوية حبوب صغيرة لونها احمرر .... خفت شوي ف حكيت اسالكم ربي ينولكم الي في بالكم طمنوني 💔💔

5- منطقة البكيني استعملتها نفس خلطة بياض التلج مممممم السمار الي بين الفخاذ خف كتيير حاسيتوو الي ع الجوانب هااد وهي ما بعرف عادي حسيتها بس برضو مستمرره 😀😀😀😀

كمان اسبوع راح انزل النتائج الي وصلتلها كمان شجعووني عشان استمرر 😍😍😍😍😍

بنااات بالختام ادعولي الله يتمم فرحتي واهلي يقبلو في وتتيسر اموور خطبتنا وارتباطنا بإذن واحد أحد