جزاك الله خير🌹

الله يشرح صدرك ويشفيك مالومك الحاله هاذي من اصعب الحالات اللي نمر فيها الله يرحمنا انا بعد طلاقي بإربع شهور نقلنا عن بيتنا  كنا نبني فله وخلصت وسكنا وتركنا بيتنا اللي كل عمرنا كنا فيه وتركنا الحي وهاذا ماكان بصالحي زادني كأبه واهلي تغيرو صارو يضيقون ونفسيتهم تعبت
صعب لما تفقدين طعم الحياه حتى لو كان عندك اشياء حلوه ماتحسين فيها الله يبعد عني وعنكم الضيق والحسد والعين ويشرح صدوركم ويسر اموركم يارب .. 

العين والحسد والسحر والمس اعراضهم واضحه عند الرقيه تعب فضيع وواضح مو وساويس لان البعض حياتها كئيبه وهي مافيها شي بس بسبب بعدها عن الله اللي يعرض عن ذكر الله راح تكون عيشته نكد وهم وكآبه تلقينها تتهاون بالصلاه تاخرها او تصليها بسرعه القران مغبر فوق الرف الاذكار تستصعبها النوافل والسنن مااتحرص عليها التي في يلعلع مسلسلات وموسيقى و اربع وعشرين ساعه كلام بالناس سعسعه بالاسواق وعبايه الله اعلم بها ماتبالي بالرجال بصوتها بعطرها ووو تلعن تشتمم وتتهاون فيهن تتمسخر وتسخر من خلقه الله تتهاون بالصور العاريه شغاله رسايل بالواتساب او البرامج الثانيه ترسل بحجه الضحك او الافاده ممكن مقطع فيه موسيقى او بنت متكشفه طبعا ماتقصد لكن هالاشياء كل من شاف او سمع مقاطعك تاخذين اثمه كل هالامور تغضب الله شلون نبي حياتنا زينه وحنا مازيناها مع الله يارب تصلحنا وتهدينا

اول شي اقول الحمدلله على كل حال .. انا تطلقت من دووووووون سبب مافي سبب للحين يقنعني ليش طلقني .. بس ارجع واقول يمكن صدق كان بينا عين .. 

عشت سنة و كانت حياتنا من اجمل حياه بين. اثنين متزوجين .. كان يسفرني يمشيني يطلعني دايم يصرف علي من دون مايقول شي ويا كثر طلباتي وعلئ كذا كان مرتاح ويدور لسعادتي وانا نفس الشيء .. 
فجاة بلحظة بدون مقدمات بدون سبب صار بينا نقاش تافه عادي عااااادي .. ومن بعدها تغير زوجي وتنفر مني وصار ينام لحاله بغرفه وانا لحالي ما يكلمني ما يسولف معاي ما يلمسني ما يقرب مني .. بكييييت كثيررررر توجعت للموووووت .. جلسنا شهر بعدها قالي .. لمي اغراضك انا بطلقك .. اااااااه ياقلبي قلت مستحيل ليش تطلقني وش السبب وش صاااير مو مستووووعبه قال انا ماعاد ابغاك عندي هنا ... وربي اني كنت ابكي بالليل والنهار ولا انام الا من قوة التعب .. اللهم لك الحمد .. بعدها رحنا لشيخ. وقال بينكم عين حاسدة قوية ...
وتاثر زوجي وتعب وحس بتعب واعراض العين والحسد .. والاكثر من كذا كانت تجلس ع باب بيتي قطة سوداء وكنت احس انها مو طبيعيه وكنت كل ماقلت لطليقي هذي ما ارتحت لها يقول مثلها مثل اي بسه .. ولما سال الشيخ قال هذي دلاله ع وجود شي بينكم وفي بيتكم ...
يا بنات انا الحمدلله مافيني شي .. بس كنت اموت كل يوووم مليوون مرة .. مو متخيله بعدي عن طليقي. ولا كنت متقبله فكرة مطلقه ..احيانا ادخل عليه وعيونه  محمرةواساله اش فيك يقول مقهور علئ حياتي ليش الناس ما تركوني كانت حياتي معك حلوووة ولا بدر منك شي بس ماعاد اتقبل قربك مني ...
وعدا شهر ونص وبعدها قال خلاص لمي اغراضك ووداني لاهلي .. وجلست اسبوعين وطلقني .. الحمدلله على كل حال .. الله يعوضني يا رب باحسن وافضل واجمل واخير منه خَلقا وخُلقاً .. امين ..

فالي تقول هالشغلات مستحيل .. انا كنت اقولها حتى جربت انا مافيني شي بس طليقي هو الي مريض .. ولا اشك الا باهله

)لان الي اكد لي هالشي الشيخ يقول حسد الاقارب ويتعب زوجي ويحمر وانا تجيني كتمة(

... لان كنت ساكنه معاهم بنفس العمارة .. وكانو يشوفونا دايم نطلع ننروح نجي نسافر ويشوفونه مو مقصر معاااي بشي ومبسوط مني وطلباتي .متوفرةوبيتي حلو بس الحمدلله .ولكن ما اقول الا حسبي الله ونعم الوكيل ..

الله يشفيكم يارب ويبعد عنا الحسد والعين
اخت ريمان الله يقويك حبيبتي ولكن ليه زوجك ما يتعالج لازم
تسمرو ع الرقيه وتقدرو ترجعو لبعض تعبني قلبي عليكم
مافي سبب يبعدكم عن بعض كانواسمريتو ع الرقيه ربي يختار
لك الافضل