تعقيب على موضوع كيف اراضية

يسعد لي قلوبكم الحلوة ..كيفكم ياصبايا معاكم البنت الضحوكة
اولاً :شكرا لكل وحده ردت علي وسدحت لي مقترحاتها البعض منها طبقتها والبعض مرررة ماقدرت بحكم انو بيكون تمثيلي مكشووف
المهم يابنات كل اللي تقول كيف صبرتي للحين ومااعتذرتي ومدري وش
انا اقولكم والله العظيم سويت كل شي يرضي الله ويرضيه
اعتذرت بمسجات ولارد .. صحيت صباح الجمعه قبله وكلي طاقة ايجابيه وتكشخت وتعطرت بكل العطور اللي ع التسريحة ماعاد ماشربتها لاتقولو وش دخل العطور ههههههه بس هومجنون عطور المهم وجهزت فطور محترم مع شوية اتكيت وافطرنا وعادي ولاكلمة بس خلصت وشلت كل شي ورحت له يعنني البنت التي ماشاءالله عليها واروح جنبه وابوسة واتعذر وابين له غلطي وماسكة شعرة يعنني بموت من الرومنسيه والله والله السالفه ماتستاهل ولو اعلمكم قسم بالله لتقولو لي لاعاد تراضيه .. بس كبرت بقلبه لاني ماقد غلطت وغلطة الشاطر بالف .. المهم وتجيكم الطامة بعد كلامي ذا كله واعتذاري قام نفش ريشه وانتي وانتي وانتي المهم ضيقني بكلامة وانا ساااكته ماعرفت ارد لان بصراحه شخص طيب وحنون الحين بتطلع لي وحده بتقول كل همكم الرجال لاياحبيبتي اذا رجال يقدرك يحبك يخاف الله فيك ولايرد لك طلب يحق لك تتبكبكي عنده (عصبت) المهم وانا ساكتة قال خلاص ماعاد عندك كلام يلاه قومي انا أنْــا بنت ذاك الطيب شيخ الرجال انطرد ياخررررراشيالمهم واقوم اطلع البلاستيشن حقي واطلب اشرطة مع اخته قلت قولي لولدك يعطيني كراش وسيارات افك حرتي اصدم الناس اطلع شي فيني وليل نهار عليه لا وازيدكم من الشعر بي ضبطت لي غرفة نوم لحالي ههههههه يوم شاف اني هديت اللعب قام يرسل تعالي نامي بالغرفه اختي ينزل عليهاموية المكيف غثهم طبعا يكذب واقوم ارسل لاخته صدقت قالت لالا مافي اي شي خذي راحتك طبعا هو يقصد تعالي الغرفه يالرومانتيك ولاارد وانا متحمسه العب ..واليوم اللي بعده يرسل يوريني اشياء بالدوام وانا كلمة ورد غطاها ..اكتشفت اكتشاف عظيم اللي تهين نفسها وتتبكبك وتسوي نفسها الناقه الحزينه والله ليسوي فيها جاكي شان ماقول لاتعتذرو لالالالالا انا بريئة بس اعتذري واعطي نفسك قدر خاصه انو مشكلتي ماتسوى والحين يفحط من عند غرفتي (مجلس الحريم )رايح جاي ويتلفت لي بس لايغركم والله اني طيبه اذا فضيت سويت له عصيرات طازجة هههههههههه وسلامتكم علما ان عمرة 27 يعني لسى ماكبر عقله خلاصة الكلام ذا كلللله اعتذري من زوجك بس بحدود بعيد عن التبطاح والتسداح والبكاء والعويل خففي شوي عشان يدري انك غاليه بعين نفسك ويغليك شوفو بالله لاحد يرد برد يضيق نفسيتي لان باقي ورايه غدا وشايل هم الكشنة