تعقيب على موضوع وين اروح/ يمنع التعقيب على موضوع مازال مفتوح.. توجهي لموضوعكِ السابق

السلام عليكم ورحمة الله وبركاته
صبايا انا بشكركم من كل قلبي على مساعدتكم الي
وطمعانة بشوية مساعدة تانية
انا يا صبايا قررت اعمل المستحيل مشان اتغلب على مرضي..
لانه تعبت وخلص طفح الكيل..
متل ما انتوا شايفين الحالة الجوية اللي حاصلة بمنطقة الشام وانا بالاردن تحديداً الدنيا كلها غبرة وتراب.. وتنفسي كل ما فيه بصير اصعب
سواء من صدري او من انفي كلو تعبان و الحمد لله على كل حال
انا اصلا اتضح انو معي حساسية كانت خفيفة وزادت لما تزوجت وانتقلت لبيت الزوجية.. الحمد لله من وقت زواجي للان وانا حالتي حالة لسة عروس واللي يشوفني بقول عندي عشر اولاد وعمري ستين سنة.. حتى علاقتي بزوجي تعثرت.. يعني حاسة انو البيت الجديد فيه شي ضاعف عندي التحسس.. يمكن لانو سيء التهوية..
المهم انا طولت بالحكي بس مشان احطكم بالصورة
انا بدي تساعدوني بالتخصص الطبي اللي اراجع عنده
يعني جربت احسن اطباء الاذن و الانف وجربت دكتور باطني و حابة اجرب الشي الصح لحالتي..
انا محتارة بين دكتور الصدرية او الجهاز التنفسي او دكتور الحساسية والمناعة
انا معي حساسية انفية وصدري متعبني والجهاز التنفسي عندي تعبان والدكتور الباطني قال معي ارتجاع وبستخدم دواء نيكسيوم..
صحيح اختفت الحرقة الحمد لله لكن صعوبة التنفس ما اختفت
يا ريت لو تساعدوني بالاختيار و الله يجزيكم الخير