um joud :

صدقيني وخذيها مني تجربة من مغتربة بعد ماتروحي حتعرفي قيمة اخته هناك اقلها اقلللللها تلاقي احد يمسك عيالك لو حبيتي تطلعي مكان مع زوجك وانت حامل وتحتاجي مين يقوم معاك ويعينك الحياة في الغربة ماهي زي البلد ابدا ولا1٪‏ حتشوفي العجب وتتمنى اخته وامه وكل عيلته معاك انت اساسا ماراح تشوفي زوجك الا ساعات محدودة فقط لانه دوام المعهد اول سنة طويل وممل وتحت ضغط نفسي حيعيش زوجك وماراح يتفضى لك وبعد مايدخل الجامعه كمان ماراح يتفرغ لانه وراه ابحاث واجبات اختبارات حتى الويك اند فين وفين حيقولك نطلع حتضطري تطلعي السوق لحالك تقضي للبيت لحالك تاخدي عيالك وتوصليهم وترجعيهم مدارسهم لحالك او تنزليهم للحديقة لحالك وعاد لو اخدتي لغة انسي حيروح معاك اي مكان يحتاج تتكلمي فيه هذا غير انه زوجك حيستحي ينقلب مخه ويمشي ورا ابليس من اصحاب اوغيره اعتبارا لوجود اخته الي ممكن تشهد عليه معاك وكمان من المميزات لوجود احد من اهله حيخفف عنك الشعور بالغيرة مو من اخته او امه لا طبعا غيرة من نوع مختلف ماعرف كيف حتتعاملي معاها اذا انت من الان تغاري من وجود اخته هناك ياحلوة في انواع غيرة لسه مادقتي طعمها الى الان اقلها واخفها يوم زوجك تجلس جنبه الشقرا والصفرا شبه عارية وغصب عنك وعنه لانهم بفصل واحد او تكون معلمة وتشوفيها تكلمه وتضحك معاه لو شافته صدفه في السوق ولو انت معاه ولاحيهمها وراح يتقابل مع قروب اسايمنت اغلب الويك اند وماتقدري تتحكمي في عدد البنات واشكالهم الي حينضمو للقروب ويتواعدو اما في كوفي او حديقة الجامعه او مكتبة الجامعه ولاتساليني عن مكتبة الجامعه وشكل الغرف الي تجمعهم لما يجلسو القروب فيها ولايتواعدو وحتى لو احد من عيالك لاقدر الله تعب ويحتاج مستشفى او انت احتجتي لدكتورة نساء وجود احد معاك غير زوجك يخفف عنك واقلها هي حتكون متعلمة شوية لغة تعينك فيها ولا تقولي حتتعرفي على سعوديات وصديقات في الغربة نااااادرا تلاقي الصديق الحقيقي كل واحد هناك يالله نفسي نفسي والدنيا عايشينها بمصالح فزعتي لي افزع لك وطبعا كونك مانت ناوية تدرسي حيقلل حظك من التعرف لانه اغلب الحريم هناك لو ماهم مبتعثات حيكونو في معاهد يدرسو لغة وانت بالنسبة لهم الفاضية اللي مالهم نفس يضموك لشلتهم فكون معاك اخته على الاقل حتتعرفي على طبقة مختلفة شوي وطالبات علم وماحتكوني في مجال مقارنة بينك وبينهم لانهم يحترمو وجودك وسطهم على انك اخت زوج فلانه الحبوبة لكن لو انت جالسة بالبيت انسي لو اي طالبة اعطتك وجه تتعرف عليك فلا تفكري في السلبيات فقط وجودها ممكن يكون له ايجابيات مغيبة عن نظرك لانك ماعشتي واقع التجربة هناك

صدقيني وخذيها مني تجربة من مغتربة بعد ماتروحي حتعرفي قيمة اخته هناك اقلها اقلللللها تلاقي احد...