تعقيب ع موضوع الزواج بعد الثلاثين ... كلكم تعالو

كلكم عااااارفين هذا مو اول موضوع ينفتح بهالخصوص
كم من موضوع قريته انو الخلفه بعد الثلاثين مشكله ع قولتكم ....

والله يابنات انكم هبلتو ف عقولنا وعقول العالم .... انا ماعمري مر علي يوم وفكرت نفس تفكيركم
ماكنت افكر انو صعب الخلفه بعد العشرين لاني ماشفت الكلام هدا غير هنا بالمنتدى بينما الواقع ومجتمعي غير جدا .... كلامكم سبب لي قلق ونفسيه وماغير اهوجس بالموضوع
واكيد كثييير بنات مثلي .... انا ماكنت احس اني متأخره بالخلفه غير من مواضيعكم

انا اتزوجت وعمري 25 سنه وجلست سنه وبعدين خلفت والحين مكمله ثلاث سنوات متزوجه
وكملت 28 سنه وعندي ولد بعد شهر راح يكمل السنتين ... كنت عااادي اشوف وضعي
ولسا برتاح شويا وبكمل دراستي وبعدين افكر بالثاني
كنت مفكره اخذ فتره بين حمل والثاني عشان ارتاح والطفل برضو يرتاح وياخذ حقه

بس كثرت المواضيع انا اشوفها كثرانه بالمنتدى حسيتني اني خلاص فاتني الفوت واتأخرت
حسيت نفسي عجوزه😭
صرت افكر متى اخلص دراسه ومتى اخلف اصبح تفكيري سلبي
بينما لو جينا للواقع زميلاتي واللي من سني لساعندهم من طفل وبعضهم باقي ماخلف بل والبعض ما اتزوج والبعض يتزوج بعد الثلاثين والوضع عادي جدا وماشي
وحتى السيده خديجه رضي الله عنها اتزوجت وعمرها 45 سنه
وخلفت 6 من الابناء يعني كل خلفتها كانت بعد ال 45

وحتى ملاحظه تناقض عجيب بين هذا الكلام والزواج المبكر
اذكر مره موضوع يتكلم ع الزواج المبكر وكان اغلب الرأي انو الزواج بسن 17 و 18 كانو ندمانييين
انهم اتزوجو بدري وماعاشو كل مرحله من مراحل حياتهم بالعكس اتحملو مسؤوليه من بدري
والاغلبيه اتفقو ع انو افضل سن للزواج من 22 وطالع
او 25 طيب اللي تتزوج بسن ال 25 كم طفل يمديها تخلف بهالمرحله لحد ماتدخل الثلاثين
اكيد طفل او طفلين بالكثير وباقي خلفتها اكيد راح تكون بالثلاثين
وان فكرنا بخلفة الثلاثين قلتو مايصير 😭
وش هالتناقض يابنات 😳