تعقيب لموضوع زوجي وامه .. اااه😔

بصراحه بنات جداً تفاجأت بكمية الردود ألي تقول عني حسود والي تقول الجنه تحت قدمها والي تقول غيرانه، حبيباتي انتو مودارين عن شي زوجي اصلاً كل وجباته من غدا وعشاء وفطور عند امه حتى لو طبخت وعزمته شال الغدا وراح لامه القهوه اسويها ويشيلها لأمه وطلعاتنا كلها مع اهله يعني عشان طالبت بطلعه لوحدي كفرت ؟؟؟ وعيالي كبار موصغار عشان تقولو تبغيها تسويلهم رضاعه وتغير حفايض ماعندي احد يرضع او يتحفظ وش فيها لو شال عياله معه مو أبوهم ويتحملهم والي تقول الجنه تحت اقدامها عند عيالها موعندي انا مومطالبه ببرها يبرها ولدها زي مايبغى بس لايضيق علي عيشتي يصطفل هو وياهم انا وش ذنبي انا اذا جتني او قابلتها احترمها جداً زي امي بس اذا جلست مع ولدها لحالهم او بناتها هاتك ياحش فيني .. بعدين الي تقول ذبحتك الرومنسيه الا بالسياره ياااااهو انا موميته ع رومنسيته بقدر مايكون لي راي بالخرجه مو نحمل دله قهوه ودافور وعزبه كأننا شادين عشان امه وقهوتها ولا اشمر عن العبايه وهاتك ياطبخ ونفخ وشيل وحط كرمال امه الى متى هالحال يعني لو طلعنا بدونها ناخذ كوفي عصير اي شي من برى خفيف تحسي انك خفيفه طلعتي ورجعتي مرتاحه مومنهد حيلك وبعدين عندها اولاد غيره وهو لو مايتلقف مافكرت تروح بس هو ماتذكر يبرها الا معاي لا والي يقهر لما سألته اذا خرجنا لوحدنا موداريه عننا قال احس بالذنب قلت واذا خرجت مع اصحابك وخليتني ماتحس بالذنب قال لا!! والي تقولي جمعيهم ولاتفرقيهم هم مجتمعين مومتنظريني اجي اجمعهم يعني اذا خرجت لوحدي فرقتهم عجيب امركم ياعالم حواءواللي تسألني وش صار بعد مارجعو جاني وشايفني مبسوطه على غير العاده قالي يالله اوديك مطعم عطيته هذيك النظره وقلت له انا موميته جوع وينك طول النهار ماتذكرتني الا اخر الليل والاجواء مواجواء مطاعم قال اش اسوي اهم شي امي امشيها بالامطار!!!!