تعقيب موضوع ابن اخوي

https://www.hawaaworld.com/sho...
في بعض الردود ماقدرت ارد عليها بسبب انشغالي
حبيت أوضح كم نقطة
اخوي تزوجها بالسر وكان ببلدها معها وما افصح الا بعد ماخلف الولد هذا الكلام من 2011
الناس لي تقول انتو تعاونوه على ظلمه للولد حبايبي احنا الولد ماشفناه غير بالصور فقط ويوم جابه كان مفاجأة ومن دون أي كلام صحينا الصبح لقيناه جايبه وجايب له أغراض احنا ماعاوناه ابدا وكلام اخوي انه امه هي لي عطته الولد وجابه من بلدها بعد تصميم وتهديد منها
ابوي كان موقفه حازم من اول الاحداث وطرد اخوي والشيوخ جات توسطت سنة حتى سامحه
وبعدين تم ينقز على موضوع الزواج وهدد وحلف انه يرجع يخبص ويتزوج مسيار امي استسلمت وزوجته
احنا مو عنصريين مثل ماقالت اخت هنا
كل الجنسيات فيها الخير والبركة لكن تحفظنا على الولد لي نشأ ضحية ماله ذنب
الولد الى هذي اللحظة متخبط ماعنده استيعاب للشي لي حصل دوم يردد اسماء ناس ببلد امه وحتى الكلمة يراقب عليها وماعرف مين اهله
اختي زارتنا و لأنها قالت كلمة ( مبارح) هو تحمس وقال هذي من بلدنا بعدين عرف انها عمته اخت ابوه
اخوي رجع من دوامه وشاف الولد بهذي الحالة كلم اخوي وجابه
ابوه لعاب وخباص اليوم قعد معاه يقول بفهمه وبدرسه وطلع نفسه من الموضوع وقال لازم تربوه ارميه بالشوارع كلها سنين وتعدي هذا ولدي
اخوي قاله مين خلفه احنا ولا انت اخذه بيتك وعند اخوانه
صار يصرخ ويقول حرمتي عيالها ماتقابلهم وانا اصلا بتزوج عليها بعد هذي الازمة لأني مو مرتاح معها وهي نكدية وهي وهي وسحب نفسه من موضوع الولد قال لازم يتربى بينكم وانا فهمته يكون مؤدب ومطيع
اخوي نفسه متهرب منه
استغفرك ربي واتوب اليك احسهم يتعاملون مع الولد هذا كأنه لقيط استغفر الله
الام طردته والاب جابه هنا وتهرب من مسؤوليته
انا صرت احسه تألف على وجودي معه صار يدخل غرفتي بدون استأذان ويقعد جنبي ويرافقني وين ما اروح يمشي وراي اخاف يتعود علي ويفقدني صرت احطه بغرفتي
التوم بعد ما ابوه عملهم اللازم استغفلوني قبل الفطور ودخلو مكانه وضربوه سمعت صياحه ركضت عليهم لقيتهم ماسكينه واحد يخنقه والثاني يعضه من قهري ضربتهم نزل معهم ابوهم يقولي انتي متى تتربي يعني اضربك ولا اهينك وتدخل اخوي الثاني وصارت هوشة وابوي جالس يتحسب عليهم وعلى ابو الولد
ياربي انا قريب بتزوج وبروح عنه بصير بعيدة شوي عن اهلي