تعقيب موضوع اخذ فلوس من زوجي

السلام عليكم
قبل يومين نشرت موضوع عن اني اخذ من جيب زوجي فلوس كل ماجاني واخبيهم عندي والادارة حذفته بسبب الالفاظ لي صارت فيه
بوضح كم نقطة بس
انا زوجي من يوم ماتزوجنا ماكان يعطيني مصروف ابدا اصلا تزوجني وانا صغيرة عمري ١٧ سنة وحطني عند امه خدامة
زوجي مايعدل ابدا بيني وبين حرمته لا بالفلوس ولا بالنوم ولا بالعلاقة
مايجيني الا ب اوقات معينة بس الصبح او الظهر والمبيت عندها هي فقط
بس لاسافرت او راحت بيت اهلها جاني ولا رجعت سحب علي وراح لها
يعطي حرمته فلوس بالهبل ومعلمها بكل خيره وفلوسه وهي المتحكمة بكل شي وحتى اخواته يعطيهم الا انا
انا قلت انه يعبي بيتي اغراض من والى وهذا حقي عليه بعد وبعد العضوات مسكوها وقعدو يقولون لي خلاص مو مقصر معاكي
يعني يخليني من دون اكل وشرب انا وابني بعد
اخر شي انا ماسرقته من حرمته وعياله مثل ماتقول امنياتي الجميلة وبعد العضوات
هو خطبني عن طريق عمته لي كانت تعرف بوضعي وعذابي عند زوجة ابوي وكان منفصل عن حرمته يومها وانا ماكنت موافقة كنت ابغى اكمل دراستي بس زوجة ابوي وابوي خيروني يا اوافق عليه يا اما خلاص اتم قاعدة طول العمر خدامة عندها الله لايوفقها واخذت مهري كامل لها ولبناتها