تكلمي معها بدون علم أبوها قولي لها انا امك علميني 
بكل شيء وماراح اقول لابوك وتاكدي لايكون مرسله 
صورها له واكسري الشريحه وحطي الجوال عندك لا
تعطينها لين ماتتاكدين انها صارت قد المسئوليه ...
والجوال قبل الجامعه ماله داعي أبد.

حاولي تكسبين بنتك وانك بتوقفين معها وتساعدينها ..
الخوف انه تمادى معها بالكلام !! اتمنى فهمتوا علي
بنت صديقتي تعرفت ع شاب و من ضمن كلامهم كان يكلمها
عن أشياء تصير بين الزوجين !! ولمى عرف ابوها بالسالفه ضربها لين عضت الارض مسكينه
من هول ماقرأ المحادثات وسحب الجوال منها واللحين هي بالجامعه ولا معها جوال ويبي يزوجها
احفظ لنفسها ..
فكري قبل تتصرفين والله يكون بعونك ..

والله ما عندي رد ولا حل لان دوبي متزوجه وما عندي بنات ولا جربت الأمومة عشان كذا ما اقدر أفيدك

بس حابه أقول اني لما كنت بعمر بنتك او اكبر شوي اتوقع عمري 17 وقتها خضيت نفس التجربة كنت ادردش مع شاب

لكن هالشاب يقرب لي وكان وسيم جدا هذا سر انجذابي له وكنت بالبداية استهبل "اطقطق عليه" مسويه اني احبه وانا كنت استهبل ما احبه وولا شيء

بس جلست شهرين ادردش معه وأضيع وقتي معه وفعلا حسيت اني بديت احبه وتعلقت فيه ولما ما يرد علي أتضايق و انفس وما أشتهي اكل وأبكي

بالصدفة نسيت امسح محادثتي معه وشافها اخوي الكبير وعلم امي وأبوي لكن ما علموني بالموضوع علمتني اختي انهم كشفوني وكذا وجلست ابكي استحيت منهم وهم سحبوا جوالي مدة أسبوع اتوقع و اقل بعد و رجعوه لكن جلسوا ما يكلموني وسافهيني اكثر من شهر تعذبت نفسيتي منهم بس أخذت درس وصرت اقوى

انا ما انصحك تعلمي ابوها طبعا يمكن ما يطلع حكيم زي ابوي ويتصرف بقسوه معها لانها ما زالت مراهقه لكن عاتبيها واسفهيها فتره عطيها درس وفهميها ان الشاب ما يبي منها غير شهوته وبس وقولي لها قصص بنات كلموا شباب وضاعو

الله يصلحها ويفرج همك وكربتك ويفرج هم كل مسلم 🌹

و مثل ما قالوا البنات يمكن مهددها بشيء لا سمح الله
ضروري تصارحينها وتتاكدين منها 🌹

هم البنات للممات