ما أشوف انك مغرورة. انتي انسانه ولك مشاعر والواحد ما يقدر يغصب نفسه على شي ما يبيه

الرجال مو باين فيه عيوب كبيرة ومن كلامك انه يحبك وشاريك


بس النفس لا عافت عافت وش تسوين.

اعطي نفسك اجازة فترة لا تكلمينه

وشوفي هل تشتاقين له وتتمنين وجودك معاه ببيت واحد يجمعكم ؟

اذا لأ, لا تجبرين نفسك
واستخيري ثم استخيري

يابنت الحلال يعني بتضمني يجئ واحد ع مزاجك
الأمور اللي قلتيها كلها عاديه الا الصلاه وهذي تعتمد عليك بعد الزواج وتكسبين فيه اجر
الحياه الزوجيه مو مثل ماانتي متخيلتها مع الايام بتتعودي عليه وبياخذ من اطباعك
انا شايفه انه حرام تفرطي فيه وتاكدي الرجال ماينسى مثل هالمواقف

مشكلتك انك فاهمه الحياة الزوجية غلط ترا هو مو ولد صغير ممكن تغيرينه هو شريك حياة اول حاجه لازم اتعرفين ان الكل فيه عيوب مثل ماهو فيه عيوب ترا انتي بعد فيك عيوب وواضح ان اكبر عيب في خطيبك طيبته الزايده لو واحد غيرة وخطيبته مطرشة له رساله زي رسالتك كان ماعداها على خير وصدقيني انتي متأكدة يوم ارسلتي الرساله ماراح يثور ويزعل لانك عارفته زين بس نصيحه لاتشوفين نفسك عليه انك المثقفه الواعيه ولازم يتثقف زيك عشان تتقبلينه صراحه حسستيني حياتكم جديه بزياده وكأنكم في مدرسه خلي الرجال هلى راحته لاتخلينه يحس كانه قاعد مع استاذه مو مع مرته وصلاة الفجر لاحول ولاقوة الا بالله اذا هو ينام عنها انتي راح تخلينه يقوم يصلي اذا قدك عنده صحية للصلاة .. مادري مشكلتك جداً عاديه بس انتي مش مقتنعه بالرجال انا اقول استخيري افضل بس لاتخسرين رجال فيه خيو عشان ثقافتك الزايده وانتي شايفة روحك افضل منه ترا اغلب الرجاجيل نفسه وانتي وقرارك