تعلقت بوهم اسمه الحب

السلام عليكم:----

اول شي انا صديقة زوايا وعطتني معرفها اكتب مشكلتي للحبي لكم لاني متابعه لكم من زمان

انا وحده علقوها بوهم علقوها بسراب انا وحده عطوني للولد عمتي من يومي فلان لي وانا للفلان

حبيته من كل قلب حاصر تفكيري احلامي للدرجة حفظت رقم جواله اخترت لاسمه دلع للبعدين

تخيلت عيالنا حشمة عمتي وبناتها عشانها ام رجالي بالمستقبل وش اقول حاصرني من جميع الجوانب

حبيتـــــــــــــــــــــــــــــــــه لاجابو اسمه الف مليون دقه بقلبي انتظر سوالفه من اخواني

حفظت حتى اسماء اصدقائه عرفت وش يحب من اكل عرفت تفاصيل حياته اه اه اه بس

وبالاخير صرت كخه مايبونـــــــــــــــي طيب ليش علقتوني فيه مو حرام ياناس خافو الله

انا ماني جماد انا انسانه لي مشاعري لي احاسيسي كذا فجاءه يرفضني ليش مارفضت من البدايه

والله ماتتخيلوني وشلون حبيته اه بس حسبي الله ونعم الوكيل الله يعوضني باللي ازين منه دين وخلق ومال

ادعولي ان الله يرزقني قبل زواجه مابي اصير مكسوره قدام اهلي وبنات جماعتي مابي اللي يكرهوني يتشمتون في

انتبهو يابنات لاتعلقون انفسكم باحد لان محد يستاهل الا اذ كل شي رسمي خطبه ملكه انتبهو من حب بس من كلام

لانه دمار نفسيه مستقبل والله كنت وقت الاختبارات ماذاكر افكر فيه وش يسوي وين قاعد

ماتتخيلون وش كثر حبيته بس الله يعوضني باللي يحبني مادري