تعلقي بصاحبتي وخجلي من طلبي لها ساعدوني بحل

يابنات انا عندي صديقة من ايام المتوسطه ولله الحمد علاقتنا من اروع مايكون بمثابة الاخت الي الله ماكتب وتكون لي بهالدنيا

انا وحيدة امي وابوي .. الله يطول بعمرهم ويخليهم لي كبروا واحس انهم مو فاضين يطلعوني مثل قبل دايم
تعبت من الوحده .. جاني الاكتئاب والوسواس والله العظيم .. جتني افكار اعوذبالله
والله يابنات احيان اقوم من النوم احس ودي اذبح روحي من الضيقه
مليييييت من الوسواس والوحده ذبحتني

دايم اكلم صديقتي هذي واسولف معها ولان هي ظروفها الماديه مو مره ماتقدر تكلمني كل يوم ولاتخش النت لان مافيه في اغلب الاوقات


قبل مده طلبتها تجيني البيت وتقعد عندي كم يوم وجت والله انبسطت معها نسيت الدنيا ومافيها
صح ان عندي دراسه اروح وهي تنام واذا جيت هي تفتح لي باب غرفتي وانبسط من قلبي

اتفرج معها تلفزيون نصلي جماعه ..
صرت احافظ على الاذكار وخففت من الاغاني والذنوب ولله الحمد
يابنات ملت علي وحدتي حسيت اني عايشهي
معي ناس تتكلم
سوينا حلاوة شعر سوا وسوينا حلا وننام ونقوم سوا ونسوي خلطات
والله نسيت مرضي اللي هو الوسواس وصرت متفائله حتى على اهلي اضحك وانبسط معهم

جا اليوم الي تروح فيه تضايقت بس مابينت لها راحت الصبح
ولما رجعت من دراستي الظهر فتحت الباب ومالقيتها ضااااقت فيني الدنيا والله حتى امي يوم شافتني دمعت
اااااااه الله لايوريكم شعور الوحده
والله يابنات انا معتبرتها مثل اختي احبها كثير نستني همومي وتضحك معي وكل شي

بتقولون روحي لامك او اطلعي لخالاتك او عماتك
مافي مجال باالنسبه للطلوع وانا اساسا مارتاح والا انبسط الا مع الناس اللي يرتاحلها قلبي
وامي مو فاضيتلي 24 ساعه وبنفس الوقت امي مو مثل تفكير صديقتي يعني على سني ونفس اهتماماتي

هي عندها خوات كثيرين ماشاء الله ويكلموني يقولون مانبيها تكثر جيه عندك عشان لاتتعودون على بعض
ويصير صعب انها تقعد عندك كثير اقولهم والله اننا معتبرينها مثل اختي
يقولون نعرف بس مهما كان ثقلنا عليكم
حتى هي تقولي استحي من اهلك

والحين رجع لي وسواسي يابنات انذبحت من القعده لحالي وهالوسواس الي يجيني
عندي اختبارات واحس بالي مو معها متضااايقه توي قمت من النوم ودي اذبح نفسي من الضيقه

يوم كانت معي كنا ننبسط وكنت ادور النوم دواره ااااخ بس
انا عارفه لو كلمتها بترفض انها تجي ومعها حق لاني بصراحه مسختها من كثر ماقولها تعالي واقعدي عندي
هي بعد عندها اهل يشتاقون لها ويبونها

قلت لامي تكلمها عشان تجيني تقولي خليه بعد اختباراتك
وانا في ضيقه الله اعلم فيها للحين ماذاكرت ولاشي ..

وش اسوي ..انا ابيها تجي عندي وتقعد فتره طويله تعودت عليها ونستني مرضي ووالله اني اتعامل معها مثل اختي اروح معها السوق وانبسط اول مره احس ان معي اخت

المعرف مشترك الله يجزاها بالخير صاحبته