تعلق في شباك الحمام وصعقته الكهرباء ومات

السلام عليكم يا اخواتي

انا اليوم ابنزل موضوع ان شاء الله كل واحدة منكم تقوله لزوجها علشان ينتبه

هذا الله يسلمكم قبل فترة حصلت هذه الحادثة اللي تروع والله يا بنات انه يشيب لها الراس الله يكفنينا ويكفيكم الشر

كان فيه شلة شباب راحوا البر واغلبهم متزوجين راحوا البر واختاروا لهم مكان بعيد شوي عن المدينه وفيهم واحد حاول قبل مايمشي مع هالشباب ان زوجته تروح عند اهلها بحكم انه بيسهر الى آخر الليل المهم هي قالت مالي مزاج ابد ابجلس في البيت هو قال معليه اذا ما ودك تروحي براحتك المهم راح البر وجلسوا هالشباب مبسوطين ومستانسين ولما جاء وقت العشى طبعا العشى وصلوه مطبخ المندي من وقت المغرب وقالوا لصاحب المطبخ نجي له على الساعة عشرة بالليل قال اتفقنا

المهم يابنات لما جات الساعة عشرة على هالشباب اتفقوا ان اي واحد منهم يروح يجيب العشى من المطبخ كل واحد منهم قال انا ما اقدر اروح واللي يقول انا ابجهز السفرة هنا وفلان يروح المهم قام واحد ماعنده سيارة قال لواحد من الحضور انا ابجيب العشى بس اعطني مفتاح السيارة لاني جيت مع واحد من الشباب وما جبت سيارتي المهم هالانسان بحسن نية اعطاه الميدالية فيها جميع مفاتيح البيت والسيارة على باله انه سلمها لانسان محترم يخاف ربه
اخذ الشاب المفاتح على اساس انه راح يجيب لهم العشى واتجه بالسيارة الى شقة الرجال اللي قال لزوجته روحي عند اهلك ورفضت
والشاب هذا عنده خبر ان زوجت زميلة هي الوحيدة اللي في البيت وعرف من خلال كلام اللي في الجلسة كل واحد يقول انا وصلت اهلي الى اقاربهم ومنهم مو متزوج المهم اخذ السيارة وراح بيت زميله وفتح الباب والزوجة مسكينه على بالها انه زوجها وكانت جالسة في الصالة ومعها ولدها الوحيد وجالسة تلاعبة وتشاهد التلفزيون
الا ويدخل عليها زميل زوجها اول ما شافت وجهة صرخت ومحد يمها راحت ركض من الروعة وقفلت على نفسها باب الحمام هو حاول يفتحه ماقدر عليه قام يهددها انه يقتل ولدها الصغير هي رفضت تفتح في اعتقادها انه راح يرحم ولدها ويسيبه في حاله المهم يوم انه يئس منها تفتح عن نفسها الباب قام كسر رقبة طفلها اللي ما كمل سنه وقتله وهي تنوح وتصيح في الحمام
قام هو ركب من شباك المطبخ ورقى الى شباك الحمام يبغى يوصل لها وبالفعل صار نصفه على شباك الحمام وكان متمسك بسلك حق كهرباء وانجرح السلك وصار مكشوف وهو ماسك فيه بعدها صعقته الكهرب وصار نصف من الرجل داخل الحمام والنصف الثاني برى في المنور وهو ميت محترق
لما طالعوا الشلة اللي فيهم زوج هالمسكينه والا الرجال تآخر عليهم وانتظروا ما فيه فائدة قاموا اتصلوا على المطبخ وقام يصارخ عليهم صاحب المطبخ وقال احنا بنسكر المطبخ ليش تأخرتوا وما جيتوا لعشاكم المهم هم اعتقدوا ان صاحبهم صار عليه حادث لان جواله وغترتة تركها على المسند حقة في البر
اخذوا يدورون عليه ما فيه فايدة سبحان الله جاء الزوج اللي اعطى الرجال السيارة مع مجموعة من اللي كانوا جالسين من نفس الشارع اللي فيه
بيته الا ويشووووووف سيارته واقفه في الشارع انهبل صار زي المجنون رغم انه كان يعز هذا الرجل وما تخيل في يوم من الايام انه يبخون زميله والكل يشهد ان هذا الرجال اللي اخذالسيارة كان في صورة الرجل المحترم
جاء الزوج الى الشقة حقته حاول يفتحهها ما قدر يدق على الزوجة ما ترد وفي النهاية استعان بجهة مختصة وكسروا الباب الا يدور على زوجته ويلقاها منهارة في دورة المياه وولدها مقتول عند الباب والرجال اللي اخذ السيارة محترق ومعلق على شباك الحمام
انهار الزوج لما حدث لابنه وزوجته
يشهد الله يابنات ما تعبت وكتبت هذه القصة اللي هي مو من نسج الخيال بل هي حقيقة حدثت في نفس مدينتي اللي اعيش فيها الا لاخذ العظة والعبرة وعلى كل زوجة ان تجعل زوجها يقرأها ويشاهد احدثها حتى مو كل واحد يثق في صاحبه واللي يعطي سيارته لاحد بس يعطيه مفتاح السيارة
ادعولي يا بنات بان ربي يحقق لي اللي اتمناه وان ربي ما يريكم اي مكروه