تعلمت اشياء كثيره من المنتدى وطبقتها تعالوا شوفوها

السلام عليكم ورحمة الله وبركاته
كيفكم بنات ؟
اول شي الله يجزاكم خير تعلمت اشياء كثيره منكم بحاول افتكرها كلها لان لكم الحق تعرفوها وتجربوها

اول شي جربت اني اشقر بطني بعد كلام البنات ونصيحتهم لي والله يابنات روعه ولا يبان التشقير ابدا ولا يحتاجله اي شي بدل شيل المنطقه وانتوا تعرفوا قد ايش الشيل مؤلم في هذه المنطقه

واكيد كمان اشقر حواجبي على طريقة بسمة براءه جزاها الله خير والله يابنات روعه وشرحها واضح ماشاء الله


وكمان استفدت طريقة تعطير الشعر وسويتها امس اني بعد ماتحممت اخذت شويه من مخمرية نبتون وحطيت معاها شويه مويه وشطفت فيها شعري وبعدين بخرته والريحه ياسلاااااااام

طريقة لتنعيم الارجل سريعه جدا اذا عندك مناسبه ماراح تاخرك ابدا وهي انك تجيبي مبرد وصابون وتبللي رجلك وتحطي عليها صابون وتحطي كمان على المبرد صابون وتبردي وبثواني راح تشوفي كيف رجلك ناعمه وبيضاء وبلحظات سريعه

وممكن كمان تسوي الكريم هذا وهو انك تحطي شويه من اي كريم مع نقطة مكركروم وتحطي منها على رجلك وراح يطلع لونها وردي كانك عامله بدي كير عند احسن مشغل



وكمان استخدمت زيت دابر فاتيكا بس مو نصيحه من المنتدى بس انا حابه انصحكم فيه


وكمان انصحكم بتجربة مجموعة نبتون لانها بجد ريحة نظافه وجزاها الله خير اللي دلتني عليها لانه مافي احلى من ريحة النظافه


وكمان الوصفه هذه رهيبه مره للجسم تفتح مره وهي
3 ملاعق كبيره حليب بودره
4-5 ملاعق طحينه سائله (هرده)
عصير ليمونه وحده
3-4 ملاعق صنفره اي نوع ويفضل المشمش
ماء حسب الكميه للعجن
ويندهن فيها الجسم وتخلونها من ربع ساعه الى نصف ساعه وبعد ماتنشف تفركون جسمكم بيدكم مو بليفه وبعدها تتروشوا عادي



وكمان ماسك جارنينه فروكتز رائع جدا جدا لايفوتكم

هذه الاشياء اللي استفدت منها واذا افتكرت شي ثاني بكتبه لكم واتمنى انكم تدعولي ولزوجي ولدي بالهدايه والثبات