انا تعلمت اللغه الهولنديه بحوالي ثلاثه شهور والحمد لله
انا رحت لهولندا وانا حامل بطفلي الاول وتعبت كثير لاني مابعرف اتكلم اللغه ولو اني كنت بعرف اتكلم اللغه الانجليزيه كان اسهل عليه شو يه لانه الاغلبيه بهولندا بتكلموا اللغه الانجليزيه لجانب اللغه الهولنديه , وبعد ما خلصت من الولاده كان لازم استنى شوي حتى يكبر واستنيت حتى صار ابني 8شهور , وسجلت بالمدرسه طبعا كان هناك كثير مغتربين مثلي وجاين علشان يتعلموا اللغه, والله كان شكلي اول يوم بالمدرسه زي الطفل الي رايح اول يوم عالمدرسه :icon33:, رحت مع زوجي وصلني للصف تبعي وكان بدو يروح للبيت ويرجع بعد 3 ساعات بعد انتهاء الدرس بس ماخليته , مسكته وخليته يطلب ويستأذن من المعلمه الدخول والحمدلله وافقت.
وبدأت الرحله لتعلم اللغه الهولنديه , كنت اسأل المعلمه عن كل اشي ما بعرفه ولاحظت انه المعلمين الغرب عندهم سعة صدر ورحابه لكل واحد حاب يتعلم ,وبوخدوا بعين الاعتبار انه مستويات الفهم عند البشر متفاوته ,بضلوا ورا الواحد حتى يفهم السؤال الي سألهم اياه على حساب وقت راحتهم , واتعلمت كيف افتح البرامج على الكمبيوتر والانترنت.:icon28:
طبعا انا متزوجه وعندي 4 اطفال وما كان عندي وقت كفايه بس كنت كثيررررررررر متحمسه ,فكرت بطريقه مناسبه لوضعي ولقيت الحل
اشتريت الاوراق الصغيره تبعت الملاحضات الي بتكون ملونه وفيها شريط لاصق من جهه وكنت اكتب عليها عدة كلمات كل يوم ومقابلها ترجمتها بالعربي وكنت الصقها بالمطبخ فوق حوض الجلي او بغرفة النوم فوق السرير على الثلاجه جنب طاولة الكوي , وكنت دايما ارددها واحفض فيها وانا بشتغل بالمطبخ او او ....:angry:
وكل ماحفضت المكتوب غيرته بورقه ثانيه وما كنت بكب الي بحفضه كنت بحتفظ فيه وبرجعله وقت اللزوم .
وبوقت الفراغ كنت بستعين بالكمبيوتر لسماع نصوص مصوره او كلمات علشان النطق الصحيح.
وكنت بنسخ الجريده او الاعلانات الي بتيجيني عالبيت دايما مره واتنين وثلاث علشان اتمرس عالكتابه.
ومرات كنت بعمل الواجب حتى الساعه 3 الصبح بعد مايناموا الاولاد لأنه خلال النهار ما بكون عندي وقت مع الاولاد.
بس هادا كله كوم والجرأه كوم , يعني لو اتقنتي ودرستي واحفضتي واستحيتي تحكي اللغه ماراح تستفيدي شي , لازم تتجرأي وتحكي وما تعتمدي على حدا ابدا , استعملي الاشاره بالكلمات الي ناسيتها او مابتعرفيها. لا تهتمي ادا حدا ضحك عليكي او على نطقك اضحكي واسأليهم عن النطق الصحيح
ماشاءالله عليج.. ربي يوووفقج ^_^