مريت من موضوع الاخت خوالي
http://forum.hawaaworld.com/showthread.php?t=2992407
اللي تستعرض فيه مشترياها من اليايان ، وهنئناها وباركنا لها وعليها بألف عافية
مثل هالمواضيع شخصيا اشعر انه مهم
ليس فقط لانها تعرفنا عن المنتج وفوائدة وخبرة صاحبة الموضوع فيه
انما تعرفنا على الاشياء اللي ما نعرفها بالاساس
من ضمن الاشياء اللي الاخت خوالي شاريتها اهي قرص مكتوب عليه باللغة الانجليزية kumihimo disk
و الكلمة نصها ياباني والثاني أنجليزي
وهذه هي صورته
بالطبع ما مريت من الموضوع مرور الكرام
انما اخدت الكلمات ورحت اترجم و ابحث واشوف ايش سالفة هالقرص
اكتشفت من بعدها اني دخلت عالم ثاني وووواسع وكبير
اول بحثي كان معنى الكوميهيمو عرفت ان ترجمتها يعني الظفيرة اليابانية
وهذه هي اللي شكلها بالصورة على شكل حبال
وهذا الالة البسيطة عبارة عن القرص اللي من خلاله نقدر نعمل الظفيرة
بالطبع فيه اشكال و الالوان تلعب دور واسع في المسألة والشكل النهائي
بس اني ما وقفت عند الترجمة
اني وابحث تعلمت طريقة اللف واكتشفت ان هذه هي الطريقة اللي البعض يعملها يدويا
بس بصراحة ، بالقرض واجد اسهل وارتب
اضافة الى اني دخلت على عالم من الاشكال
فيه منه الظفيرة المسطحة وفيه المدورة و فيه وفيه
يعني السالفة ما واقفة عند نقطة معينة
وعلشان استفيد من المواضيع اللي مريت منها امس
طبقت الفكرة على قطعة كارتونة و بديت اشتغل فيها
وهذه كانت النتيجة الاولى
وهذا شكل التداخلات
خل يكون في بالكم
ان هذه هي المرة الاولى اللي انا اعمل فيها الظفيرة
بس اللي اكتشفته من خلال العمل
اني اقدر أوضف العمل في اشياء كثيرة
نقدر نعمل حبل للشنط
مسكات
عقود
حلقات للميداليات
اساور
مؤشرات كتب
حزام للشنط
هذا بس اللي مر في بالي
بس مثل ما قلت لكم ان المجال واسع وكبير و كل واحد يقدر يتفنن فيه بدوقه
ومثل هذا العمل اللي طلعت فيه خليته بهالشكل
كعقد مثلا ، او علاقة مفاتيح
الشغلة كلها على بعضها بسيطة للغاية وفي نفس الوقت مفيدة و نتائجها جميلة
و من الاشياء البسيطة اللي الاطفال يقدروا يتعملوها وبكل سهولة وسلامة
وفي النهاية
لخوالي ولكم جميعا تحياتي
وسبحان من علم الانسان مالم يعلم
قلت يلا اجرب مثلها وفعلا لقيت لها شرح باليوتيوب