تعلمي السواقة بمكان فاضي حبيبة قلبي

السلام
اليوم زوجي سوا حادث قوي الحمدلله بالحديد ولا بالعبيد صحيح السيارة تكسرت تكسير بس الحمدلله بالحديد ولا بالعبيد
سبب الحادث انه كان ماشي و وعلى نفس الشارع بنت جديدة بالسواقة كانت متوترة وقفت وصارت تبغى تروح لليسار هو شافها حاول يتعداها ماقدر طبش بالسيارة لي قدامه وكسرها وتكسرت سيارته بس الحمدلله ماصابه شي لا هو ولا راعي السيارة الثانية الحمدلله بالحديد ولا بالعبيد
زوجي شافها يوم كانت متوترة الله يهديها شكلها كانت تتعلم جديد وبسببها سوا حادث وتضارب مع صاحب السيارة لانه ليه لانه صاحب السيارة اتهمه انه ماسك جواله وقعدو يسبون بعض الين تضاربو مو تضاربو ضرب بس تماسكو مع بعضهم وقعدو يهددون بعض وانا اعرف زوجي مايعصب بسرعة حليم واتقي شر الحليم اذا غضب الرجال تم يسب على زوجي ويتهمه بالتقصير وزوجي عصب بعدين وصار لي صار بس الحمدلله انحلت السالفة وطلعو حبايب بعدين
انا اقول يابنات لي تبغون تتعلمون لازم تلاقون لكم طريق فاضي او بالحارات مو صحيح انك جديدة بالقيادة وتسوقين بخط سريع مايصير لازم تكوني واثقة من نفسك لانه هذي سيارة مو لعبة وفيها ارواح وكوارث الله يهديكم
انا من تعلمت السواقة تعلمتها داخل الحارات وب اماكن فاضية هذا الصحيح او بمدرسة تعليم القيادة
انا اشوف كثير بنات يسوقون بس يكونو خايفين ويسببون بلبلة بالشارع بين السيارات وبعض الاحيان ممكن تصير حوادث
اهم شي السلامة والله لايضر مخلوق
ماحد بجي ينقدني انا ماتكلمت شي بس حبيت اوصل رسالة يعني