م ريوف 22

م ريوف 22 @m_ryof_22

عضوة جديدة

تعلمي صبغ شعرك بالبيت

العناية بالشعر

السلام عليكم ورحمة الله

اكيد عرفتوا بتكلم عن اي موضوع
خليك اجوديه وسنعه وانتي اصبغي شعرك بنفسك
ماهي شغله صعبه سهله مره واغلب الكوافيرات يضحكون علينا

نبدأ خطوه خطوه واكيد بتتعلمين
اذا علي انا من زمان اصبغ في البيت
على الاقل اخاف على شعري ماهو مثل الكوافيرات
تحط لك اكسجين لين تقول امين ماهمها في شعرك ينحرق
يتقصف اهم شي عندها يوضح اللون عشان تخلص منك


اول شي نعرف ** نوعية الشعر**

في نوعين من الشعر ::

السميك مهما كان ناعم او مجعد ما تفرق ..
الخفيف مهما كان ناعم او مجعه ما تفرق برضوو ..

لان الصبغة تختلف من شعر لشعر نكمل ونعرف

الشعــر الخفيف ممكن يمسك فيه اللون على طول بعكس الشعر السميك ..
فا إذا كان شعرك من النوع السميك حاولي انك تتركين الصبغه مده أطول في شعرك ..


** إختيـــــــــــار الالوانــ ***

قبل اختيار اللون تأخذين في حسابك نوعية الشعر اللي ذكرناها
لانه اللون يختلف من شعر لشعر اوقات نفس اللون يجي عليك فاتح وعلى اختك غامق

اذا كان لون شعرك أسود وحبيتي تغيرنه للبني
تختارين الصبغه لون أشقر فاتح جــداً
لا تخافين
لانه مارح يطلع اللون اشقر على الشعر الاسود بيقلب للون البني ...

*****
إذا كان شعرك بني وحبتي تخليه أشقر أو افتح من البني
أختيار الصبغه لون أشقر رمادي أو أعلى درجه من اللون...

******
واذا كان شعرك أشقر وحيتي تخلينه بني شوكولاته ..
إختاري لون الصبغه أشقر غامق أو بني متوسط مو غامق لان الغامق بيقلب أسود
********
اما اللون الاحمر له طريقة اخر
اللون الاحمــر لازم يكون الشعر فاتح عشان يمسك في اللون
وعند صبغ اللون الاحمر قد ماتقدري طولي فيه لأنه لون وقد ماتطولي يمسك اللون
واللون يكون أقوى واحلى


**** أنواع الصبغات
نبدأ بالاسهل
افضل الصبغات في البيت اللي تجي جاهزه يعني على شكل شامبو
وتكون شوي سائله ماعليك غير تخلطين العلب مع بعض وتحطينهم على شعرك
صبغات العصار او المعجون هي اصعب شوي لانها تحتاج اكسجين وتوزع على الشعر بفرشه خاصه للصبغ لكن هي افضل من ناحية اللون وثباته ويمكن من اول صبغه تبين على الشعر
عكس الخفيفه يكون لونها خفيف على الشعر ومع الغسل ممكن تروح

*** افضل ماركات الصبغ ***

GARNIER

WELLA VIVA

COREAL

واذا كان علي انا اصبغ ماركة كوليستون المعجون

*** طريقة صبغ الشعر ***


كل شي مشروح في العلبه من خلط وكمية الاكسجين انا استخدم اكسجين الاعشاب 9%
افضل للشعر
بس افضل طريقه لصبغ الشعر ..
تقسيم الشعر لاربع اقسام نبدأ بالصبغ من تحت إلا فوق
وبالاخير تمسكين المشط وتشطين الشعر عشان يتوزع الصبغه على كل اشعر
وبعد تبدين بالاطراف وقبل ما تغسلين شعرك بــ 10 دقايق تحطين الصبغه على منابت الشعر
لان منابت الشعر يصبغ فيه بسرعه لذلك خليه اخر 10 دقايق

و نقعد بالصبغه من نص ساعه للشعر الخفيف اللي ممكن يصبغ الشعر بسرعه ..
ونقعد ساعه للشعر السميك
وكل شوي نشيك على الشعر اذا تغير ولا لا


*** الهايلايت ***


اذا تبغين تضيفين خصلات ملونه لشعرك او لكامل شعر تابعي

افضل طريقه للهايلات تسوين خصل الميش قبل الصبغه عشان تكون متناسقه ومداخله
مع الشعر ومايبان مخطط وشكله غريب

طبعا على حسب رغبتك وذوقك اذا تبغين الخصله سميكه او خفيفه
وبعد للهايلات طريقتين

بالقصدير تقسيم الشعر واختيار الخصل وصبغها بالميش ..

بالطاقيه طبعا تشترينها من الصيدليه وتلبسينها وتخرجين خصل من الفتحات
وتصبغينهم بالميش وهذي الطريقه اسهل من الطريقه الاولى

مدة الهايلايت على الشعر من ربع ساعه إلا ساعه إلا ربع
ونشيك على الشعر بطريقه مختلفه عن الصبغه العاديه
نمسك خصله صغيره ونغسلها بالمويه ونشوف اللون اذا حلو ولا لا
وافضل طريقه للميش انك تشغلين هواء حار على راسكـ لمدة خمس دقايق وتتركينها
عشان المفعول يصير اسرع واحلى

** في الاخير اغسلي شعرك بالبلسم بدون الشامبو واستشوري شعرك
لان الهواء الحار يوضح لك اللون اكثر لاتحكمين على اللون على طول في صبغات تفتح بعد كل غسلة شعر


*** أتمنى انكم تستفيدون من خبرات وتنسون الكوافيرات


منقول مع بعض التعديلات لعدم ظهور الصور
واتمنى ان ينال على اعجابكم
13
4K

يلزم عليك تسجيل الدخول أولًا لكتابة تعليق.

تسجيل دخول

م ريوف 22
م ريوف 22
معليش اسفة ترى حطيت الموضوع حنا بالغلط ياريت تنقلو الموضوع
جامعية من ام القرى
مشكورة ياعسل
ام وقلبي يضم
ام وقلبي يضم
شكراااااااا
...ام حلا...
...ام حلا...
شكراااااااااااااا
سكوتي صع ـب تفسيره
ثآإنكس هههه