:
:
موضوعي توعوي عن كيفية الفحص الذاتي للثدي
ما اخترت هذا الموضوع الا لان سرطان الثدي منتشر بشكل رهيب
والله بدون مبالغه كل يوم تجينا في العياده حالتين عالاقل تشتكي من مشكله في صدرها
وكل اسبوع استئصال ورم من الثدي ( الله يشفيهم )
ماراح اتكلم بطريقه علميه او طبيه لاني اعرف الاغلبيه مايحب هذي المواضيع لكن حيكون الموضوع
بطريقة سؤال وجواب بالعاميه عشان يوصلكم بسرعه
راح اطرح معظم الاسئله اللي تدور في راسكم واجاوب عليها بطريقه مبسطه
واذا فيه اي سؤال كمان ارحب بـ اسئلتكم
والموضوع مجهود شخصي اذا استفدتوا منه ادعولي بالشفاء والزوج الصالح
لحد يرد رجاااااااااءاً حتى يكتمل الموضوع
ايش فايدة الفحص الذاتي للثدي ؟؟
ملاحظة اي تغيير يطرأ على حجم الثدي او شكله
ويساعد كثير عن الكشف المبكر عن سرطان الثدي
عند اي عمر اعمل الفحص الذاتي ؟
من عمر الـ 18 سنه
وهل سرطان الثدي يجي في عمر 18 ؟؟
سرطان الثدي يجي في اي عمر لكن النسبه تزيد بعد سن 35 سنه
متى اعمل الفحص الذاتي لصدري ؟
مره كل شهر بعد الدوره الشهريه بـ اسبوع
طيب .. اللي دورتها مو منتظمه متى تعملوا ؟؟
تحدد يوم ثابت من كل شهر و تنتظم عليه
مثلا يوم 10 في الشهر .. من كل شهر تسوي الفحص
ايش هي طبيعة الصدر الطبيعي ؟؟
1- الحجم يكونوا متقاربين في الحجم ( طبيعي يكون واحد اكبر من واحد بشوي )
2- متماثلين باللون
3- حرارتهم مثل حراره الجسم
4- لون الحلمة لحمي للبنت وبني غامق للحامل
5- ملمسهم متماثل
6- مافيه اي ورم
7- ممكن يكون فيه افراز حتى للبنت ويكون طبيعي الافراز يكون ابيض وكميه بسيــــــــــطه جدا سببه هرمونات او تحفيز للصدر ( اذا زادت الكميه او اللون مختلف هذا مو طبيعي )
8- الاتجاه الطبيعي للحلمه تكون نازله على اسفل ولافه عاليسار مثلا حلمة الصدر اليمين حتكون كذا ( / )
كيف اعمل الاختبار الذاتي ؟؟ ( اتمنى الصور ما تنحذف لان فيها تعليم وتثقيف والمنتدى نسائي )
الخطوه الاولى
النظر
1- طالعي في المرايه وانتي تاخذي شاور ويكون كتفك مستقيم ومشدود ويدك على وسطك
لاحظي اي تغيير في الحجم - الشكل - اللون - او اي ورم بارز - اتجاه الحلمه ولونها - او اي تغيير في شكل الصدر - اذا فيه اي سائل يطلع من الصدر - احمرار - طفح جلدي
2- ارفعي يدك مثل الصوره ولاحظي التغييرات اللي ذكرناها فوق
الخطوه الثانيه
افحصي صدرك بأطراف اصابعك فقط ابدأي اضغطي على الحلمه وشوفي اذا فيه اي افراز يطلع مع الضغط ثم بطريقه دائريه ابدأي من الحلمه وامشي عالصدر كله ولا تنسين منطقة الابط واسفل الصدر مهمممممممه مرررره مثل الصوره
الخطوه الثالثه
انسدحي وافحصي بأطراف اصابعك بنفس الطريقه السابقه
تفحصي الصدر اليمين باليد اليسار والعكس
ايش التغييرات اللي لما الاحظها لازم اروح الدكتوره ؟؟
1- تغيير في الحجم الشكل اللون
2- افرازات من الحلمه ( دم - لون اصفر - او ابيض كريمي او اي لون )
3- الم في الصدر
4- ورم في الصدر
5- انغراس الحلمه
6- تغيير في جلد الصدر ( قشرة البرتقاله )