تعلمي مكياج سهل وراقي

السلام عليكم و رحمة الله و بركاته
شحالكم حبوبات؟ ان شاء الله الكل بخير

المهم اللوك وايد بسيط و سهل

ملاحظه: انا بس سويت العيون و الخدود ما حطيت ولا نقطه فاونديشن ولا بودرة
مالي نفس انظف المكياج خخخخ

كل وحده تعرف خطوات الاساس والبودرة حطي اللي تبينه و سوي اللي متعودة عليه

الأادوات
صورة جماعيه


البيس هوه بينت بوتس من ماك
الأسامي


نبدا شوي شوي و بشرح بالصور
اول شي ناخذ من البينت بوت اللي عاليسار و نوزع منه كميه بسيطه من زاويه العين الداخليه لين نص الجفن
لا تعلين اللون فوق و بعدين خذي من البينت اللي على اليمين و وزعيه من زاويه العين الخارجيه لين يتلاقى ويا اللون الفاتح – انا وزعت اللون بصبعي لان اريح لي –
صورة جماعيه للشادو المستخدم



الحين بالفرشاة رثم 239 ناخذ من اللون اللي اسمه vert-urban decay
و نوزعه من النص لين زاويه العين الخارجيه


بنفس الفرشاه ناخذ اللون رقم 426 الباليت هذا طالبتنه من وحده في منتدى
و نوزع اللون على زاويه العين الداخليه لين يتلاقى مع اللون الاغمق شوي


الحين بعد بنفس الفرشاه بس نستخدم نفس الصوب اللي حطينا به vert ناخذ من الشادو رقم 432
ونحطه اخر الزاويه الخارجيه للعين و نرفعه فوق vert لا تدمجين شي



الحين ناخذ اللون لblunt-urban decay و نوزعه على عظمه الحاجب بالفرشاه رقم 224
ندمج كل شي لين ما نوصل لالوان خفيفه مدمجه في بعض بخفه