ان شاءالله الجميع بخير
هذي طريقة حلوة وممتعة لتعلم اللغة الانجليزية
هي صح مش تعلم تعلم بمعنى الكلمة لكن تنفع الواحد حتى يطقطق كم كلمة بالانقلش
تفضلوا تعلموا وانبسطوا بنفس الوقت
احم احم
بسم الله نبدأ ........
تخيل إنك في الحديقة تتمشى وشفت وردة ... ممتاز shift بالإنجليزي يعني تغيير وتأتي بمعنى مناوبة صباحية أو مسائية. day shift أو night shift
طيب لو يوم من الأيام فتحت كبوت السيارة وش راح تشوف أكيد بتشوف السير
sir معناها سيد على فكرة سير السيارة اسمه belt
طيب أخواننا وحبايبنا المصريين أيش يقولوا على السيد ... يقولوا سي مثل سي عرفة وسي مرسي إذاً see معناها يشاهد أو sea بحر
طيب ولو إنك جوعان ممكن تروح للخضرواتي
هذا اذا كنت صحي مثل شوشو
وتشتري من عنده كيلو لفت
lift مصعد أو left يسار
لنفترض إنك في يوم من الأيام دخلت المطبخ في الليل وشفت فار مر... ههههه أكيد هالمرة كفشتوني
وعرفتوا إن الكلمة farmer يعني مزارع
طيب لو سألتك وين بتكون الساعة 8 الصباح يوم السبت الجاي
أكيد ح تقول في الدوام أو في المدرسة
fee معناها رسوم مثل رسوم اشتراك ورسوم دورة ...
لنفترض أن معلم لغة إنجليزية ....مجرد افتراض
سألك سؤال عن الحرف الثاني من حروف اللغة الإنجليزية؟
ما لها إلا حل واحد bee يعني نحلة
الله يرزقكم العسل
طيب تخيل لو طالب في أولى سأله معلم العلوم ما هو الحيوان الذي له خرطوم
وش راح يجاوب الطالب؟ أكيد بيقول فيل feel معناها يشعر أو يحس.
طيب خذ بعد
جار اللي هو ساكن جنب الدار هههه بالانقلش jar جره
مات بسم الله عليكم وعلي بعد
بالانقليش يقولو مات matt لشئ المطفي
لما نقول الروج هذا مات يعني مافيه لمعه ههههه يازين الشرح
بات احنا بالعربي نقول بات محمد عند اخيه
يعني نام لكن بات bat بالانقليش تعني خفاش
تخيل إن زميل يعاتب زميله ويقوله: إنت اللي شرت علي هذي المشورة
كلمة shirt باللغة الإنجليزية تعني قميص
واحد سأل صاحبه في الفصل: أبوك حي؟ قاله: لا الوالد مات الله يرحمه
كلمة mat تعني حصير أو سجاد
طيب إذا واحد غلس دق عليك الباب وأنت مشغول
وش راح تقول؟
أكيد مين ... طبعاً بعدين تتفاهم معاه ..
mean تأتي بمعنى بخيل أو يقصد أو ينوي و كلمة meaning ترجمتها معنى
مثل What's the meaning of __? أي مامعنى __؟
طيب لو دقيت الباب على واحد كويتي وش راح يقول؟ أكيد دش
dish تأتي بمعنى طبق أو صحن وكلمة wish معناها أمنية أو يتمنى
طبعاً عند أخواننا المصريين الله يحرسهم هناك فرق كبير جداً بين الراجل والست
كلمة sit معناها اجلس ...
طيب بعدين إذا جلس الواحد منهم أكيد بتكون جلسته محترمة زي جلستي الآن
jealous جلس معناها غيور ... الله يكفيكم شر الغيرة
طبعاً لو لواحد تحبه في الله
(سامعين يا أخوان في الله) تروني نبهت
وش راح تعطيه هدية ... أكيد باقة ورد وعقد فل ...ههههه امحق هدية
كلمة full تعني كامل والكامل الله
وتعني أيضاً شبعان وعسكها hungry جوعان
طيب عند المبارزة وش يحتاج الناس... أكيد سيف ...
لا تقول نبيـــلة أو سكتون ... هههههه
safe تأتي بمعنى آمن ... أو خزانة حديدية لوضع الفلوس
لاتروحوا بعيد لسى فيه اكثر
بس نكمل بعدين
تقديري
يالله بالرود اللي توسع الصدر وفي خاصيه جديد للمنتدى تشكرااااات الموضوع اذا عجبكم <شحااااااااااااااااده خخخخخخخ
واحد معصب على اخوه يقوله تراني بعطيك كف على وجهك
كف مثل cough= كحة
لما نقول هذا الولد بار. مثل bar= حانه او مقهى
طالب في الفصل نسى قلمه ، فقال لصاحبه: ممكن تعطيني قلمك لا هنت
كلمة hintتعني يلمح للشئ أو تلميح
بنوته يازينها جديدة في المدرسة في الصف الأول/ج
قالت لها المعلمة وش اسمك يا ماما؟
قالت: اسمي هند
hindتعني خلفي وتعني أيضاً أنثى (حيوان) الأيل
وبالمناسبة نقول في الإنجليزية hind legs ونقصد بها الأرجل الخلفية للحيوان
واحد دق بالجوال على صاحبه وقاله: هاه كيف الأمطار عندكم؟
فقاله الثاني: يجيب الله الخير بس جانا رش خفيف
كلمة rush تعني يندفع أو يستعجل ومنها rush hour وتعني ساعة الذروة
وهي الساعة التي يكون فيها ازدحام مروري
واحد تواعد مع صاحبه في الصباح يوم الخميس ... (من جد وقت صعب)
ودق عليه بالجوال أكثر من مرة ولكن للأسف لا مجيب
وبعدها قابله بعد صلاة العصر وقال له: وينك اليوم الصباح والله إنك ماش زعلتني منك
كلمةmash تعني يهرس أو يطحن وفي العامية الأمريكية تعني البطاطس المهروسة
واحد عنده اختبار جغرافيا وتأخر مرة
فقالت له أمه: والله إنك مهمل شكل فات عليك الاختبار
كلمة fat سمين - متين وتأتي بمعنى دهن أو شحم
واحد من الشباب سافر لمصر الحبيبة ولما رجع السعودية
قالوا له أصحابه وش أحسن شئ عجبك في مصر؟
قال أخونا: أشياء كثيرة ولكن أكثر شئ عجبني أبوالهول
كلمة holeفي اللغة الإنجليزية تعني ثقب أو فتحه
ونفس النطق بكلمة أخرى وهي whole وتعني تام أو كامل
سألت معلمة التدبير المنزلي طالبة مستجدة كيف تصنعين القهوة؟
قالت الطالبة: بسيطة يا أبله نحط بن وهيل وماء
كلمة bin أعزكم الله معناها سلة مهملات
وهيلhail معناها بَرَد (كرات من المطر المتجمد)
وتأتي بمعنى يؤشر للتاكسي مثلاً hail a taxi
اما كلمة ma فتعني في العامية أم أو ماما
ياكليب شب النار ياكليب شبه ...........عليك شبة والحطب لك يجابـي
ship معناها سفينة
طالب كويتي اسمه نايف دايم يسوي مقالب في خوايه (أصحابه) وكل ما سوى فيهم مقلب
قالوا له أصحابه: يوز يا نايف.
في الإنجليزيةknife تعني سكين
وكلمةuse معناها يستخدم.
طالب سعودي (متمكن من اللهجة اللبنانية)
قال لصاحبه اللبناني: شفته لأخي، مشان إمّي عاوزته بالبيت؟.
فقال له صاحبه اللبناني: شو .. آه خيك أيه أيه ... ليكوهون.
كلمة galفي اللغة الإنجليزية تعني فتاه او امرأه
وكلمة bait تعني طُعُم مثل الطعم الذي يرمى للسمك
أما كلمة shoeفتعني حذاء ونفس الصوتshoo وهو تعبير يأمر الحيوانات أعزكم الله والأطفال لكي يبتعدوا أو يهربوا
أما كلمة hone فلها معنايان الأول يحد شفرة السكين أو السيف (أي يجعلها حادة) وترادفها كلمة sharpen والمعنى الثاني يطور أو يحسن.
تحذير هام:
الرجاء من الطلاب عدم الإكثار من الفول.
في الإنجليزية كلمة hamتعني شريحة مملحة من لحم الخنزير.
وبالمناسبة فإن كلمة hamburgerلا علاقة لها البته بلحم الخنزير لأنها منسوبه إلى المدينة الألمانية Hamburg..
أما كلمة fool فتعني أحمق وتأتي بمعنى يخدع
معلم اللغة العربية (غاضباً): ولد قوم فز وهات لي في جملة مفيدة مبتدأ وخبر ... بسرعة؟.........اموت بالعربي انا
الطالب: أجيب لك المبتدء والخبر في الفصل وإلاّ على غرفة المدرسين؟
في اللغة الإنجليزية كلمة fizz تعني فوّار وفي العامية تعني التشامبين(شراب مسكر)
وكلمة hatتعني قبعة
أما كلمة lee فتعني ملاذ أو ملجأ
دائماً اولاد خالي الكبير يحبون يروحون البقالة معاي عشان اشتري لهم(( كت كات))
Kit تعني عدّه او لاوازم ... و Cat كلنا نعرف معناها ...
يسمونها بالشرقية (( قطوة)) وفي الغربية (( بسة ))... شئ غريب
وامممممم كمان دائماً الاطفال يحبون (( الفش فاش ))
fish تعني سكمة ... و Fash مالها معنى و ممكن نزود عليها شوي
و تصبح الكلمة fashion بمعنى الموضة
عندنا نادي يسمى الاتحاد (( الاتي او العميد )) و كنت اشجع هذا النادي ايام الثانوي
وعندهم اهازيج جميله مثل ون ون ون .... هذا عميد (( الفن )) ... Fun تعني المتعة
نصيحة من بنوووووتة
اذا كنت مرة طفشان على الآخر ... انصحك بالذهاب الى الكورنيش "واللي ماعندهم كورنيش يدبر نفسه
والاستمتاع بمنظر البحر و خاصةً عند الغروب و لا تنسى يكون معاك كوب من (( الشاي )) .... Shy .... تعني خجول
وسلاااااااامتكم