السلام عليكم ورحمه الله
هلا والله بحبيباتي الحلوين..
انا ماابي اطول عليكم بأقولكم قصه نعومه شعري..
هذا في مره من المراريت اتصفح النت لقيت وحده تمدح هذاك المنتج اللي
يريحك ومايخلي الكشه تطير بعد الاستشوار<<<هذي عقدتها
وخاصه انا شعري اعرفه صح موخشن بس ناشف ويعشق الطيران<<مهوب شعر ذا
الموهيم مالكم بكثر الكلام يوم رحت السوبرماركت الا والقاه واقول تعال يالله
نجرب وان شاالله انك ذيب وتقدر على هالكشه :16:
ويوم رجعت البيت على طول حطيته الا واحس الملمس حق شعري زان
وبعد الاستشوار صار حليو مو مره بس احسن بكثييرررررر من قبل
قلت يابت ياقموره دام ان هالشي قال بشعري تسذا
اجل لو اجيب العيله((عيله المنتج طبعا))
وش يسوي بالكشه؟؟
وطيران على السوبر ماركت اشيل العيله..
واحطها والان.. :7_5_131:
والله يابنات انه نعم شعري وخلاه احلا من اول بكثير صح مالنا غنا عن الاستشوار بس
شي اهون من شي
وهالشي اللي قلت لكم عليه سهل وممكن نلاقيه بسهوله
ياناس حتى استخدامه سهل مو مثل الخلطات اللي تقعد على راسك بالساعات
هذا غير الروايح ويمكن تلقين نتيجه ويمكن لااع<<<<<اقول لايكثر
ادري اني طفشتكم وانكم تبوووون الزوبده الحلوه
مو الزبده اللي نستخدمها بالمطبخ ونحطها مع البسكوت عشان نسوي الحلا
واللي هي الطبقه الاولى والطبقه الثانيه قشطه و....و....<<<الظاهر انها اعطت الوادي
يوه نسيت اني ماني بقسم الحلويات<<<يامصلك
اقصد خلاصه الموضوع<<<شكلها ماعندها سالفه :024:
خلاص
خلاص
ادري انكم زهقتو من الهذره اللي مالها سنع نرجع للجد شوي
اللي هو يابنات ذا
واكيد كلكم قد شفتوه قبل كذا وتعرفونه
وهذا البلسم حقه
يعني خلاصه الموضوع انك تجيبين الشامبو اللي هو منGARNIER
FRUCTIS
وتستخدمينه مثل اي شمبو عادي وبعده البلسم حقه ونغسله وبعده الكريم اللي فوق
اللي هو اعتقد مثل حمام الزيت نحطه 3 دقايق ونغسله
والله يابنات انه رووووووووووعه رووعه
وما اعتقد ان فيه اسهل من الشامبوا لاخلطات ولاهم يحزنزن :icon19:
اي قبل لا انسى انا استخدمت اللي مكتوب عليه مالس ولامع للشعر الخشن وصعب التسريح
وبعد ما انتهت العلبه سمعت ان ولد عمه ((الشامبو طبعا))
يمدحونه قلت اجيبه وان شاالله انه ازين من ولد عمه
بس والله ماجربته للحين بأجربه واخبركم
اخذت الشمبو والبلسم والسيرم تبعه لان معه سيرم
بس ما اخذت اللي علبته مثل الكريم لان الاول ما انتهى
لسى قلت اخلصه وبعدين اجيب الثاني
اللي هوLOREAL ELVIVE
وهذي صورته
والله يابنات من كثر ماني مرتاحه على هالمجموعه ومبسوطه قلت لازم اقولكم لانها اكثر من روعه..بس للعلم يمكن تختلف النتيجه من شعر امرأه لااخرى<<ابوك يالفصحى
وهذا الشي ابيكم تركزون عليه مو تجيبونه وتقعدون تدعون علي
اي وبعد انا احسه بالاستمرار يتحسن الشعر
يالله جربوه وابيكم تقولون النتائج لاتبخلون..
والله يسعدكم بشعور اكثر من رائعه
ويوفقني لان زواجي بالصيف
قولوا امييييييييييييييييييييناختكم:قمووره